جدید معیشت،تجارت مروجہ اسلامی بینکاری میزان شریعت میں خصوصی اشاعت

حدیث ہے کہ’’ خلق آدم سے لیکر قیامت تک کی آخری دیواروں تک سب سے بڑا فتنہ دجال کا فتنہ ہے اس سے بڑا فتنہ کوئی نہیں۔‘‘[1]اس فتنے کی یلغار کس راستے سے ہو گی ؟ فتنہ دجال اتنا خطرناک کیوں ہے؟ یہ آزمائش اتنی شدید کیوں ہے ؟اس لئے کہ اس فتنے کی جو بنیادیں ہیں اور جو اساسیں ہیں وہ مال ہی ہے ۔ نبی صلی اللہ علیہ وسلم کا فرمان ہے2 :’’ دجال کی آمد سے قبل جو تین سال ہوں گے ۔وہ تین سال اقتصادی اعتبارسے انتہائی تنگی کے سال ہوں گےفرمایا:’’تحبس السماءثلث قطرها والأرض ثلث نباتها‘‘۔ ان پہلے تین سالوں میں سے پہلے سال آسمان اپنی ایک تہائی بارش روک لے گا اور زمین اپنی ایک تہائی فصل روک لے گی ۔دوسرے سال میں آسمان اپنی دو تہائی بارش روک لے گا ۔اور زمین اپنی دو تہائی فصل روک لے گی ۔اور تیسرے سال آسمان اپنی پوری بارش روک لے گا ۔ایک قطرہ بھی نہیں برسے گا جبکہ زمین اپنی پوری فصل یہ پھل اور یہ سبزیاں اور یہ اناج یہ سب روک لے گی اور ایک دانہ بھی پیدا نہیں ہوگا ۔ یہ تین سال دجال کی آمد سے قبل ،اور اس کا ظہور بھی علی جہل الناس ہو گا لوگوں کی جہالت عام ہو گی اور یہ اقتصادی مار الگ ۔ اور دجال جب آئے گا تو اشاروں سے بارش برسائے گا ، اشاروں سے فصلیں اگائے گا اور لوگوں کے امتحان کے لئے اس کے ساتھ ایک عجیب اقتصادی طاقت ہو گی ۔ دجال ایک کڑی آزمائش اس لئے ہے کہ وہ فتنہ مال لے کر آئے گا یوں بندوں کا امتحان ہو گا اور بہت بندے اس میں ناکام ہو ں گے۔ حالانکہ ناکامی کی وجہ نظر نہیں آتی ۔کیونکہ پیغمبر صلی اللہ علیہ وسلم کا فرمان ہے دجال کی دو علامتیں نوٹ کرلو۔ ایک یہ کہ وہ ایک آنکھ سے کانا ہو گا دوسرا اس کے ماتھے پر کافر لکھا ہو گا[2]۔تو یہ دو چیزیں کسی استدلال یا بحث کی محتا ج نہیں یہ تو سامنے دکھائی دے رہیں ہوں گی ۔ایک آنکھ سے کانا سامنے دکھائی دے رہا ہوگا اس کے ماتھے پر کافر لکھا ہوا ہوگالیکن پھر بھی زیادہ لوگ اس کے حلقے میں شامل ہو جائیں گے ۔اور بہت کم لوگ ہوںگے جو اس فتنے سے بچ سکیں گے ۔اسی فتنہ مال سے وہ لوگوں کو گمراہ کرے گا ۔ لوگ اس کے حلقے میں شامل ہوں گے ۔ پھر کیوں ہم اس مال کی حرص لیکر بیٹھے ہیں ؟جو سراسر ہمارے لئے ایک آزمائش ہے ۔اور جوں جوں یہ

[1] سنن ابن ماجة:كتاب الفتن : حدیث نمبر :957 2 ايضا [2] صحيح بخارى: كتاب الفتن ، حدیث : 2018