البیان شمارہ 14-15

بہرحال سابق الذکرامام ذہبی اور ابن حجررحمہماللہ کی ان عبارات سے ہشام بن عمرو الفوطی کے بارے میں کی گئی جرح سامنے آگئی۔ ہشام بن عمرو الفوطی کی طرف پھر ایک فرقہ بھی منسوب ہوا جس کا نام ہشامیہ ہے۔ جوکہ معتزلہ کے فرقوں میں شمار ہوتا ہے۔[1] تنبیہ: صاحب الوافی بالوفیات نے ہشامیہ نام کے تین فرقوں کی نشاندہی کی ہے، ایک ہشام بن الحکم الکوفي الرافضي کی طرف منسوب ہے، اور ایک ہشام بن سالم الجواليقي کی طرف اور تیسرا ہشام بن عمرو الفوطي کی طرف منسوب ہے۔[2] بہرحال اسی شخص نے یہ عقیدہ اختیار کیا کہ جنت و جہنم ابھی موجود نہیں ،چنانچہ صاحب الملل والنحل لکھتے ہیں: "من بدعہ أن الجنۃ والنار ليستا مخلوقتين الآن، إذ لا فائدۃ في وجودھما وھما جميعا خاليتان ممن ينتفع ويتضرر بہما. وبقيت ھذہ المسألۃ منہ اعتقادا للمعتزلۃ"[3] ’’اس کی بدعتوں میں سے ہے کہ (وہ کہتا تھا )جنت و جہنم ابھی پیدا نہیں کی گئیں، کیونکہ ابھی ان کے وجود کا کوئی فائدہ نہیں کیونکہ وہ دونوں خالی ہیں جن کو انہوں نے فائدہ یا نقصان پہنچانا ہے۔ ‘‘ صاحب الوافی بالوفیات فرماتے ہیں: "رأس الہشاميۃ المعتزلۃ ھشام بن عمرو رأس الہشاميۃ وھو فرقۃ من المعتزلۃ کبيرھم ھذا ھشام الفوطي زاد علی أصحابہ المعتزلۃ ببدعۃ ابتدعہا منہا أنہ قال الجنۃ و النار ليستا مخلوقتين الآن ومنہ نشأ اعتقادا لمعتزلۃ المتأخرين في نفي خلق الجنۃ والنار ومن أصحابہ أبو بکر الأصم وافقہ في کل ذلک" {[4]

[1] دیکھئے: الاعتصام : 2/719، طبع دار ابن القیم ، الملل والنحل: 48 طبع دار ابن حزم [2] لوافی بالوفیات جلد نمبر 26 صفحہ 57 ابن محمد ، جلد نمبر 27 صفحہ 203 [3] الملل والنحل : 48دار ابن حزم [4] الوافی بالوفیات جلد26 صفحہ68