اعلاء السنن في الميزان

یزید بن سنان الرھاوی کو تقریب [1] میں ضعیف کہا گیا ہے مگر وہ اسی اصول کی بنا پر ثقہ ہے۔[2] اسی طرح فرج بن فضالہ ضعیف ہے۔ [3] مگر مولانا صاحب کے نزدیک اسی اصول کی بنا پر ثقہ ہے۔ [4] مسلم بن کیسان الملائی ضعیف ہے۔ [5] مگر مولانا فرماتے ہیں: اس سے ثوری رحمۃ اللہ علیہ اور شعبہ رحمۃ اللہ علیہ روایت کرتے ہیں۔ وکفی بھما قدوۃ۔ یہ دونوں راہنما کافی ہیں۔[6] سعید بن مرزبان البقال ضعیف ہے[7] مگر امام شعبہ رحمۃ اللہ علیہ کے وہ استاد ہیں اس لیے وہ ان کے نزدیک ثقہ ہوئے۔[8]

[1] تقریب: 382. [2] اعلاء السنن: 115/1. [3] تقریب: 274. [4] 116/1. [5] تقریب: 336. [6] اعلاء السنن: 27/2. [7] تقریب: 125. [8] 215/2.