ائمہ اربعہ کا دفاع اور سنت کی اتباع

سے ایک کا قول کتاب اللہ یا سنت رسول اللہ کے زیادہ مشابہ اور قریب تر ہوگا اسے لے لوں گا ، کیونکہ اس کے ساتھ ایسی چیز ہے جس کے مثل سے وہ قول قوی ہو جاتا ہے، اور مخالف قول کے ساتھ ایسی کوئی چیز نہیں ہے) یہ قول سب سے عظیم قائل کے قول کے موافق ہے جسے خیر الکتب (قرآن) میں نازل فرمایا ہے ، جو اس طرح ہے : ﴿ فَبَشِّرْ عِبَادِ ‎﴿١٧﴾‏ الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ﴾ [1] اس آیت کریمہ کے آخر میں احسن قول کی اتباع کرنے والے بندوں کو أولوا الألباب (عقل مند لوگ ) کی سند دی گئی ہے، جو اس بات پر دلیل ہے کہ احسن اقوال کا متبع دانش مند ہے، اور آراء رجال کا مقلد دانش مندوں میں سے نہیں ہے ، اور اس کا اقتضاء یہ ہے کہ تمام عاملین حدیث اور متبعین سنت خواہ قدیم ہوں یا جدید سب عقل مند ہیں ، ان کے برخلاف تارکین سنت اور پیروان علماء ومشایخ بے وقوف لوگ ہیں ، جو رجال امت اور بندگان ملت کے قول کو اللہ اور رسول کے قول پر ترجیح دیتے ہیں ، اور اس کو کمال عقل ودانش تصور کرتے ہیں ، حالانکہ عقل صحیح اور قلب سلیم کے مرتبہ سے کوسوں دور پڑے ہیں ، ان لوگوں کی بے عقلی خود قرآن کے بیان اور رد تقلید کی آیات سے قرآن پڑھنے والوں پر آفتاب نیم روز اور چودھویں رات کے چاند کی طرح روشن ہے، اس کو بیان کرنے کی ضرورت نہیں ہے، لیکن جس شخص پر اس کی بے عقلی روشن نہیں ہے وہ جتنا بھی قرآن پڑھے وہ قرآن خواں نہیں ہے، بلکہ قرآن کا مخالف اور سید الانس والجن کی زبان پر ملعون ہے، اس میں جھگڑا کرنا حرام ہے۔ آٹھواں قول: امام شافعی نے امام احمد سے فرمایا : ’’ وأنتم أعلم بالحدیث والرجال منی، فاذا کان الحدیث الصحیح عندکم فاعلمونی بہ، أی شیٔ یکون کوفیا أو بصریا، أو شامیا حتی أذھب الیہ‘‘[2]

[1] اس کی تخریج مع ترجمہ حاشیہ نمبر ۷۹ میں گذر چکی ہے۔ [2] مصدر سابق ص ۱۰۲ ۔