ائمہ اربعہ کا دفاع اور سنت کی اتباع

اصول کا مقررہ قاعدہ یہی ہے کہ ہر مجتہد خطا بھی کرتا ہے، اور صواب بھی، اور صواب ایک مجتہد کے ساتھ ہوگا، سب کے ساتھ نہیں ، امام مالک کا یہ کمال انصاف ہے کہ اظہار حق میں کوئی شرم نہیں کی ، اور اپنا ذمہ تقلید کے بارگراں سے مبرا کیا، یہی تمام قدیم وجدید ائمہ کی شان ہے۔ امام مالک نے دوسری بار فرمایا: ’’لیس کل ما قال رجل قولا فان کان لہ فضل یتبع علیہ [1] لقول اللّٰہ تعالی ﴿ فَبَشِّرْ عِبَادِ ‎﴿١٧﴾‏ الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ﴾ [2] (کسی آدمی کا ہر قول لائق قبول نہیں ہے، اگر اس کو فضیلت حاصل ہے تو اللہ تعالی کے فرمان کے مطابق اس کی اتباع کی جائے گی ، اللہ تعالی کا ارشاد ہے: میرے ان بندوں کو خوش خبری سنادو جو بات کو سنتے ہیں ، پھر جو بات بہتر ہوتی ہے اس کی پیروی کرتے ہیں ) اس قول میں تصریح ہے کہ اہل فضل کی ہر بات لائق پیروی نہیں ہے، اس پر آیت کو دلیل کے طور پر لائے ہیں ، اور یہ دلیل احسن اقوال کی اتباع پر دال ہے، اور احسن قول وہی ہے جو موافق کتاب اللہ اور سنت رسول اللہ ہو، بس ، یہ دلالت احسن طریقہ پر تقلید کا رد کرتی ہے، اس کے رد کی دلیلیں قرآن شریف میں بہت ہیں ، ہم نے الدین الخالص میں تقریبا تیس آیتیں اس مدعا پرذکر کی ہیں ، ان میں سابق امتوں ، گذشتہ مذہبوں ، پرانی ملتوں اور قدیم شریعتوں کے کفار کی تقلیدی حکایتیں بیان کی گئی ہیں ، اور کتاب دلیل الطالب میں مذکور ہے کہ یہ سنگین بیماری یہود بلکہ ہنود سے اس امت میں در آئی ہے، اور حدیث ’’ لَتَتَّبِعُنَّ سَنَنَ مَن قَبْلَكُمْ ‘‘ الحدیث [3] ( تم لوگ پہلی امتوں کے طریقوں پر چلوگے ) کا مصداق مشاہدہ میں آچکا ہے۔ قول دوم : امام مالک کا دوسرا قول یہ ہے: ’’الزم ما قالہ رسول اللّٰہ صلی اللّٰہ علیہ وسلم فی حجۃ الوداع [4] ’’أمران

[1] مصدر سابق ص: ۸۶۔ [2] سورۃ الزمر : ۱۸۔ [3] بخاری انبیاء : ۳۴۵۶، مسلم علم : ۲۰۵۴ ۔ [4] ایقاظ الہمم ص ۹۹۔