ایک ہزار منتخب احادیث ماخوذ از بخاری شریف

817۔حضرت ابو ہریرہ رضی اللہ عنہ نے کہا کہ نبی کریم صلی اللہ علیہ وسلم نے فرمایا:’’جب اﷲتعالیٰ کسی بندہ سے محبت کرتے ہیں تو جبرائیل علیہ السلام کو آواز دیتے ہیں کہ میں فلاں سے محبت کرتا ہوں لہٰذا تم بھی اس سے محبت کر و۔جبرائیل علیہ السلام بھی اس سے محبت کرنے لگتے ہیں، پھروہ (جبرائیل علیہ السلام)تما م آسمان والوں میں آواز دیتے ہیں کہ اﷲتعالیٰ فلاں بندہ سے محبت کرتے ہیں۔تم بھی اس سے محبت کرو۔پھر تمام آسمان والے اس سے محبت کرنے لگتے ہیں۔اس کے بعد وہ زمین میں بھی(بندگانِ الٰہی کا)مقبول اور محبوب بن جاتا ہے۔‘‘ 818۔حضرت ابو ذر رضی اللہ عنہ نے کہا کہ نبی کریم صلی اللہ علیہ وسلم نے فرمایا:۔’’ جو کوئی کسی مسلمان کو فاسق یا کا فر کہے اور وہ درحقیقت فاسق یا کافر نہ ہو تو وہ خود کہنے والا فاسق یا کافر ہو جائے گا۔‘‘ ﴿وضاحت : ایک حدیث میں ہے جب انسان کسی کو لعنت کرتا ہے تو وہ سیدھی آسمان کی طرف جاتی ہے پھر زمین کی طرف لوٹ آتی ہے اگر اسے کہیں پناہ نہیں ملتی ہے تو جس پر لعنت کی گئی ہو اس کی طرف رجوع کرتی ہے اگر وہ اس کے لائق ہے تو ٹھیک وگرنہ لعنت کرنے والے پرلوٹ آتی ہے ﴾ 819۔حضرت ثابت بن ضحاک رضی اللہ عنہ نے کہا کہ رسول اﷲ صلی اللہ علیہ وسلم نے فرمایا: ’’جس نے اسلام کے علاوہ کسی اورمذہب کی جھوٹی قسم اٹھائی (کہ اگر میں نے فلاں کام کیا تو میں یہودی یا نصرانی ہو جاؤں)تو وہ ویسا ہی ہو جاتاہے جیسا کہ اس نے کہا ’’اور ابن آدم علیہ السلام پر اس نذر (قسم) کا پورا کرنا فرض نہیں جو اسکے لئے جائز نہیں ہے یا اس کے اختیار میں نہ ہو اور جس نے دنیا میں کسی چیز سے خودکشی کی تو اسے قیامت کے دن تک اسی چیز سے سزا دی جاتی رہے گی اور جس نے مومن پر لعنت کی وہ اس کے قتل کے مترادف ہے اور جس نے کسی مومن پر کفرکی تہمت لگائی وہ بھی اس کے قتل کے برابر ہے۔‘‘ ﴿وضاحت:کلمہ گو کو کافرقراردینابہت بڑاجرم ہے خواہ اس کا تعلق کسی فرقۂ اسلام سے ہو﴾ 820۔حضرت حذیفہ رضی اللہ عنہ نے کہا کہ میں نے رسول اﷲ صلی اللہ علیہ وسلم سے سنا وہ فرما رہے تھے کہ چغل خور جنت میں داخل نہیں ہو گا ﴿وضاحت:چغلی یہ ہے کہ کسی دو سرے کی بات کو فساد کی نیت سے