اہل تصوف کی کارستانیاں

﴿کِتٰبٌ اَنْزَلْنہُٰ اِلَیْکَ مُبٰرَکٌ لِّیَدَّبَّرُوْاآیٰتِہٖ﴾(ص:۲۹) یہ ایک بابرکت کتاب ہے جو ہم نے آپ پر نازل کی تاکہ لوگ اس کی آیتوں میں تدبر کریں۔ اور ارشاد ہے: ﴿اَفَلااَا یَتَدَبَّرُوْنَ الْقُرْاٰنَ اَمْ عَلٰی قُلُوْبٍ اَقْفَالُہَا﴾(محمد:۲۹) وہ لوگ قرآن میں تدبرکیوں نہیں کرتے،کیا دلوں پر تالے پڑگئے ہیں۔ اور فرمایا: ﴿فَذَکِّرْ بِالْقُرْاٰنِ مَنْ یَّخَافاُا وَعِیْدِ﴾(ق:۴۵) آپ قرآن کے ذریعہ اس شخص کو نصیحت کریں جو میری وعید سے ڈرتا ہو۔ پھر نبی صلی اللہ علیہ وسلم کا دستور تھا کہ آپ رات میں تہجد کے اندر قرآن مجید کی تلاوت فرماتے اور جب کسی ایسی آیت سے گزرتے جس میں جنت کا ذکر ہوتا تو اس آیت کے پاس رک کر اللہ عزوجل سے دعا فرماتے۔اور جب کسی ایسی آیت سے گزرتے جس میں عذاب کی وعید اور دھمکی ہوتی تو اس آیت کے پاس رک کر اللہ سبحانہ سے دعا فرماتے اور جہنم سے پناہ مانگتے۔یہ بات صحیح حدیث میں حضرت عبداللہ بن مسعود رضی اللہ عنہ سے مروی ہے۔مگر اہل تصوف کہتے ہیں کہ رات میں قرآن کی تلاوت کرنا اور تہجد پڑھنا ایک ایسا مشغلہ جس میں پھنس کر آدمی اللہ سے پھر جاتا ہے۔حالانکہ رات کا قیام وہ عظیم ترین فریضہ ہے جو اللہ نے اپنے رسول صلی اللہ علیہ وسلم پر اس لئے مقرر فرمایا تھا کہ آپ اس کی بدولت قیامت کے روز عظیم ترین مقام پر فائز ہوسکیں۔چنانچہ اللہ تعالیٰ کا ارشاد ہے: