اہل تصوف کی کارستانیاں

’’اے میرے بندو! رات میرے لئے ہے قرآن کے لیے نہیں کہ اس کی تلاوت کی جائے۔تمہارے لئے دن میں عبادت کا لمبا کام ہے،لہٰذا رات کی کْل کی کْل میرے لئے بناؤ۔اور جب تم رات میں قرآن تلاوت کرو تو میں تم سے یہ طلب نہیں کرتا کہ تم اس کے معانی کے ساتھ ٹھہرو۔کیوں کہ اس کے معنی تم کو مشاہدہ سے پراگندہ کردیں گے۔ایک آیت تم کو میری جنت،اور اس میں میرے اولیاء کے لئے تیار کی ہوئی نعمت کی طرف لے جائے گی۔پھر جب تم میری جنت میں حور کے ساتھ نرم و نازک ریشمی گدوں اور توشکوں پر آرام کررہے ہوگے تو میں کہاں ہوں گا۔اور ایک دوسری آیت تم کو جہنم کی طرف لے جائے گی،اور تم اس کے طرح طرح کے عذاب کا معائنہ کروگے۔تو جب تم اس میں مصروف ہوجاؤگے تو میں کہاں ہوں گا۔کوئی اور آیت تم کو آدم یا نوح یا ھود یا صالح یا موسیٰ یا عیسیٰ علیہم الصلاۃ والسلام کے واقعہ کی طرف لے جائے گی۔اور ایسے ہی اور بھی۔حالانکہ میں نے تم کو تدبر کرنے کا حکم صرف اس لئے دیا ہے کہ تم اپنے دل کے ساتھ میرے اوپر مجتمع ہوجاؤ۔باقی رہا احکام مستنبط کرنا تو اس کے لئے دوسرا وقت ہے اور یہاں بڑا بلند تر مقام ہے۔‘‘[1] واضح رہے کہ شعرانی کی یہ بات زبردست دہریت ہے۔آخر اللہ نے وہ بات کہاں کہی جسے شعرانی نے گھڑ لیا ہے…اور بھلا اللہ تعالیٰ ایسی بات کہے گا کیسے جب کہ یہ اس کے بندے اور اس کے رسول محمد صلی اللہ علیہ وسلم پر نازل کیے گئے قرآن برحق کے خلاف ہے۔قرآن میں اللہ تعالیٰ کا ارشاد ہے۔

[1] (الکبریت الاحمر' بر حاشیہ الیواقیت والجواہر ص 12)