اہل تصوف کی کارستانیاں

پہلا باب صوفیانہ افکار کی خطرناکیاں صوفیانہ افکار کے اہم ترین خطرات یہ ہیں: 1۔مسلمانوں کو قرآن وحدیث سے پھیرنا اہل تصوف نے پہلے بھی اور موجودہ دور میں بھی مختلف ذرائع اور نہایت پیچیدہ طریقوں سے لوگوں کو قرآن وحدیث سے پھیرنے کی کوشش کی ہے۔بعض طریقے حسب ذیل ہیں: یہ خیال کہ قرآن میں تدبر کرنے سے اللہ کی طرف سے توجہ ہٹ جاتی ہے ان حضرات نے اپنے خیال میں فنافی اللہ کو صوفی کا آخری مقصد قرار دیا ہے۔اور یہ سمجھتے ہیں کہ قرآن میں تدبر انسان کو اس مقصد سے پھیردیتا ہے۔اور یہ بھول جاتے ہیں کہ قرآن کا تدبر درحقیقت اللہ سبحانہ وتعالیٰ کا ذکر ہے۔کیوں کہ قرآن یا تو اللہ کے اسماء و صفات کے ذریعہ اس کی مدح ہے۔یا اللہ نے اپنے اولیاء اور اپنے دشمنوں کے ساتھ جو سلوک کیا ہے اس کا بیان ہے۔اور یہ سب اللہ کی مدح یا اسکی صفات کا علم،یا اس کے حکم اور شریعت میں تدبر ہے۔اور اس تدبر سے اس کی حکمت معلوم ہوتی ہے اور اپنی مخلوق کے اس سبحانہ و تعالیٰ کی رحمت کا پتہ لگتا ہے لیکن چونکہ اہل تصوف میں سے ہر شخص خود الٰہ بننا چاہتا ہے اور اپنے زعم میں صفات الٰہی کے ساتھ متصف ہوتا ہے اس لئے اسے گوارا نہیں کہ لوگ قرآن میں تدبر کرکے اللہ کی صفات کی معرفت حاصل کریں۔چنانچہ علامہ شعرانی اپنی کتاب الکبریت الاحمر میں لکھتے ہیں کہ اللہ تعالیٰ اپنی بعض غیبی نداؤں میں کہتا ہے: