اہل سنت فکر و تحریک

ظہور میں لانا چاہتا ہے تو اس سلسلے میں اللہ تعالیٰ ہی بہتر جانتا ہے کہ کب اور کہاں وہ نصرت بھیجے گا یا تمکین فی الارض سے اپنے مستحق بندوں کو سرفراز کرے گا۔ چنانچہ یہ امور تکوینیہ جب صحیح نصوص شرعیہ سے ثابت ہو جائیں تو بندے کے لئے اس کے سوا کوئی چارہ کار نہیں رہتا کہ ان کے ساتھ ایمان رکھے، بلا چون و چراں تسلیم کرے اور ان سے اسباب و مقدمات کی سعی کرے نہ کہ اس بنیاد پر وہ اپنے اس فریضے کی ادائیگی سے بیٹھ رہے جس کا اس کے رب نے اسے مکلّف بنایا ہے اور جس کا وہ اس سے حساب بھی لے گا۔ اور یہ وہ ذمہ داری اور فرائض ہیں جو صرف اور صرف شرعی امور و احکامات کے تحت متعین ہوتے ہیں، کہ شرعی امور اور احکامات ہی اس کے فرائض اور ذمہ داریوں کا تعین کرتے ہیں۔