اہل سنت کا تصور سنت

فعل بیان ہو گااور آپؐ اس بیان کو ضرورت کے وقت سے زیادہ مؤخر کرنے والے نہ ہوں۔جیسا کہ آپ صلی اللہ علیہ وسلم کا چور کا ہاتھ کلائی سے کاٹنا‘ اللہ کے حکم’’ پس تم ان دونوں کے ہاتھ کاٹو‘‘ کابیان ہے۔اسی طرح آپ کا کہنیوں تک تیمم کرنا اللہ کے حکم’’ پس تم اپنے چہرے اور ہاتھوں کا مسح کر لو‘‘ کا بیان ہے‘ اور اسی طرح اور بھی آیات ہیں۔اور بیان وجوب ‘ ندب اور اباحت میں مبیّن کے تابع ہے۔‘‘ عربی زبان میں ’ید‘ کا لفظ انگلیوں سے لے کے کندھے تک بولا جاتا ہے۔آپ صلی اللہ علیہ وسلم نے اپنے فعل سے قرآن کے دونوں مقامات پر لفظ ’ید‘ کی وضاحت کی ہے اورآپؐ کی یہ عملی وضاحت ان آیات کا بیان ہے۔ (۵)فعلِ متردَّد بعض اوقات آپ کا فعل اُمورِ شرعیہ سے متعلق ہوتا ہے لیکن آپؐ کے اس فعل کے بارے میں یہ بات واضح نہیں ہوتی کہ وہ قرآن کے کسی حکم یا آپؐ ‘کی ہی کسی قولی سنت کا بیان ہے یا نہیں ہے۔اگر دلائل و قرائن سے یہ بات واضح ہو جائے کہ آپؐ نے یہ کام تقرب اِلی اللہ کی نیت سے کیا ہے تو پھر آپؐ کے ایسے فعل کا کیا حکم ہے ‘ اس کے بارے میں علماء کا اختلاف ہے۔علامہ آمدی ؒ اس اختلاف کا ذکر کرتے ہوئے لکھتے ہیں: وأما ما لم یقترن بہ ما یدل علی أنہ للبیان لا نفیا و لا إثباتا فأما أن یظھر فیہ قصد القربۃ فقد اختلفوا فیہ فمنھم من قال أن فعلہ علیہ السلام محمول علی الوجوب فی حقہ و فی حقنا کابن سریج و الأصطخری وابن أبی ھریرۃ وابن خیزان والحنابلۃ وجماعۃ من المعتزلۃ ومنھم من صار إلی أنہ للندب وقد قیل أنہ للشافعی وھو اختیار إمام الحرمین و منھم من قال إنہ للإباحۃ و ھو مذھب مالک ومنھم من قال بالوقف و ھومذھب جماعۃ من أصحاب الشافعی کالسیرفی والغزالی وجماعۃ من المعتزلۃ.۔۔والمختارأن کل لم یقترن بہ دلیل یدل علی أنہ قصد بہ بیان خطاب سابق فإن ظھر فیہ قصد القربۃ إلی اللّٰه تعالی فھو دلیل فی حقہ السلام علی القدر المشترک بین الواجب و المندوب وھو ترجیح الفعل علی الترک لا غیر و إن الإباحۃ وھی استواء الفعل والترک فی رفع الحرج خارجۃ عنہ وکذلک عن أمتہ(۱۳۸) ’’اور آپ صلی اللہ علیہ وسلم کے وہ افعال جن کے بارے میں نفی یا اثبات میں کوئی دلیل ایسی موجود نہ ہو کہ جس سے یہ معلوم ہو سکے کہ وہ بیان ہیں یا نہیں تو ایسے افعال کی دو قسمیں ہیں۔(پہلی قسم تو یہ ہے کہ)