اہل سنت کا تصور سنت

فَإِنَّمَا أَنَا بَشَرٌ؟))(۷۰) ’’اللہ کے نبی صلی اللہ علیہ وسلم مدینہ تشریف لائے تو اہل مدینہ کھجور کی پیوند کاری کرتے تھے اور وہ کہتے تھے اس طرح فصل زیادہ ہوتی ہے۔آپ نے ان سے دریافت فرمایا:’’تم یہ کیا کرتے ہو؟‘‘ انہوں نے کہا:ہم عرصہ درازسے ایسا ہی کرتے چلے آئے ہیں۔آپؐ نے فرمایا:’’شاید کہ تم ایسا نہ کرو تو بہتر ہو۔‘‘ چنانچہ صحابہ نے اگلی فصل میں ایسا نہ کیا جس سے پھل کم ہو گیا۔صحابہ نے آپ سے اس بات کا تذکرہ کیاتو آپ نے ارشاد فرمایا:’’سوائے اس کے نہیں کہ میں تو ایک انسان ہوں۔جب میں تمہیں تمہارے دین سے متعلق کوئی حکم دوں تو تم اسے مضبوطی سے پکڑ لو اور جب میں تمہیں اپنی ذاتی رائے سے کوئی حکم جاری کروں تو میں بھی ایک انسان ہوں۔‘‘ یہ حدیث اس مسئلے میں نص صریح ہے کہ اللہ کے رسول صلی اللہ علیہ وسلم کے بعض احکامات تشریع کے لیے نہ تھے۔جیسے کسی مسئلے میں آپ نے بعض صحابہ کو دنیاوی امور میں کوئی مشورہ دے دیا ہو یا ان کی رہنمائی کر دی ہو۔ (۸) بعض اوقات رسول اللہ صلی اللہ علیہ وسلم کے احکامات سفارش کی قبیل سے ہوتے ہیں۔یہ بھی اُمت کے لیے شریعت نہیں ہیں۔مثلاً روایات میں آتا ہے کہ حضرت بریرہؓ حضرت عائشہ ؓ‘ کی لونڈی تھیں جو ایک غلام حضرت مغیثؓ کے نکاح میں تھیں۔بعد ازاں ایک موقع پر حضرت عائشہؓ نے حضرت بریرہ ؓ‘ کو آزاد کر دیا۔شرعی مسئلہ یہ ہے کہ اگر عورت آزاد ہوجائے تو اسے یہ اختیار حاصل ہوجاتا ہے کہ اپنی غلامی کی حالت میں کیے ہوئے نکاح کو برقرار رکھے یا توڑ دے۔حضرت بریرہؓ نے اپنی آزادی کے بعد اپنے اس اختیار کو استعمال کرتے ہوئے حضرت مغیث ؓ کے نکاح میں رہنے سے انکار کر دیا۔اس پر حضرت مغیثؓ اللہ کے رسول صلی اللہ علیہ وسلم کے پاس آئے اور آپ نے درخواست کی کہ آپ بریرہؓ ‘کو سمجھائیں۔توآپؐ نے حضرت بریرہؓ ‘کو بلوا کر کہا: ((یَا بَرِیْرَۃُ اتَّقِی اللّٰہَ فَإِنَّہٗ زَوْجُکِ وَأَبُوْ وَلَدِکِ))فَقَالَتْ یَارَسُوْلَ اللّٰہِ صلی اللّٰه علیہ وسلم اَتَاْمُرُنِیْ بِذٰلِکَ؟قَالَ:((لَا‘ إِنَّمَا اَنَا شَافِعٌ))فَـکَانَ دُمُوْعُہٗ تَسِیْلُ عَلٰی خَدِّہٖ‘ فَقَالَ رَسُوْلُ اللّٰہِ صلی اللّٰه علیہ وسلم لِلْعَبَّاسِ:((أَلَا تَعْجَبُ مِنْ حُبِّ مُغِیْثٍ بَرِیْرَۃَ وَبُغْضِھَا إِیَّاہُ؟))(۷۱) ’’اے بریرہ ؓ!اللہ سے ڈر ‘وہ تیرا شوہر ہے اور تیرے بچے کا باپ ہے۔تو حضرت بریرہ ؓنے کہا:اے اللہ کے رسول صلی اللہ علیہ وسلم!کیا آپ مجھے مغیث ؓ کی طرف لوٹ جانے کا حکم دے رہے ہیں؟تو آپؐ نے فرمایا:’’ نہیں ‘ میری حیثیت تو ایک سفارشی کی ہے۔‘‘حضرت مغیثؓ کی حالت یہ تھی کہ(وہ مدینہ کی گلیوں میں حضرت بریرہؓ کے پیچھے پھرتے تھے اور)ان کے گالوں پر ہر وقت آنسو بہتے رہتے