احکام ومسائل جلد دوم

متعین کردیا گیا ہے اور دوسری صورت کی نفی کردی گئی ہے۔ اس کی مثال یوں سمجھ لیں کہ اللہ تعالیٰ نے ایک مقام پر فرمایا: ﴿وَالدَّمَ ط [البقرۃ:۱۷۳] ﴾ اور دوسرے مقام پر فرمایا: ﴿أَوْ دَمًا مَّسْفُوْحًا ط [الانعام:۱۴۵] ﴾ [’’ یا بہتا ہوا خون۔ ‘‘ ] اب کوئی ان دونوں مقاموں میں باہمی تضاد سمجھنا شروع کردے تو یہ اس کی خطا ہوگی کیونکہ دوسرے مقام میں پہلے مقام سے مراد کی توضیح کردی گئی ہے کہ ’’ والدم ‘‘ میں دم مسفو ح مراد ہے۔ غیر مسفوح مراد نہیں تو یہ کوئی تضاد نہیں ۔ اس کی دوسری مثال ہے ایک مقام پر فرمایا :﴿یَسْتَغْفِرُوْنَ لِمَنْ فِی الْأَرْضِ ط﴾[الشوری:۵][’’زمین والوں کے لیے استغفار کر رہے ہیں ‘‘] اور دوسرے مقام پر فرمایا: ﴿یَسْتَغْفِرُوْنَ لِلَّذِیْنَ آمَنُوْا ط﴾[المؤمن:۷][’’ایمان والوں کے لیے استغفار کرتے ہیں ۔‘‘] اب دونوں مقاموں میں کوئی صاحب تضاد سمجھنا شروع کردیں تو یہ ان کی نادانی ہے۔ (۲) .....سورۂ نمل کی آیت نمبر: ۸ اور نمبر: ۹ میں جن چیزوں کا اثبات ہے۔ سورۂ قصص کی آیت نمبر: ۳۰ میں ان میں سے کسی چیز کی بھی نفی نہیں ، اور سورۂ قصص کی آیت نمبر: ۳۰ میں جن چیزوں کا اثبات ہے سورۂ نمل کی آیت نمبر: ۸،۹ میں ان میں سے کسی بھی چیز کی نفی نہیں ۔ لہٰذا دونوں مقاموں میں کوئی تناقض نہیں ۔ جیسے کہ سورۂ حاقہ کی آیت نمبر: ۴۰ میں جن چیزوں کا اثبات ہے ان میں سے کسی چیز کی بھی آیت نمبر: ۴۳ میں نفی نہیں اور جن چیزوں کا آیت نمبر: ۴۳ میں اثبات ہے ، ان میں سے کسی چیز کی بھی آیت نمبر: ۴۰ میں نفی نہیں ۔ لہٰذا ان دونوں آیتوں میں بھی کوئی تناقض نہیں ۔ (۳) .....سورۂ بقرہ کی آیت نمبر: ۵۱ اور سورۂ أعراف کی آیت نمبر: ۱۴۲ کا معاملہ بھی پہلے ذکر کردہ دو مقاموں کی طرح ہی ہے کہ سورۂ بقرہ کی آیت نمبر: ۵۱ میں جن چیزوں کا اثبات ہے ان میں سے کسی ایک کی بھی سورۂ اعراف کی آیت نمبر: ۱۴۲ میں نفی نہیں اور جن چیزوں کا سورۂ اعراف کی آیت نمبر: ۱۴۲ میں اثبات ہے ان میں سے کسی ایک کی بھی سورۂ بقرہ کی آیت نمبر: ۵۱ میں نفی نہیں ۔ لہٰذا ان دونوں آیتوں میں بھی کوئی تعارض و تناقض نہیں ۔ ۱۷ / ۱۰ / ۱۴۲۲ھ س: قرآنِ پاک کا ترجمہ کرتے ہوئے سورۂ یوسف کی آیت نمبر: ۲۴ کے اول حصہ کے ترجمہ میں اشکال ہے اس کے دو ترجمے آپ کی خدمت میں پیش کیے ہیں لہٰذا جو اس میں درست ہو اس کی نشاندہی فرماکر شکریہ کا موقعہ دیں ۔ یا اپنی رائے کا اظہار فرمائیں ۔ (۱) .....’’ اور البتہ تحقیق ارادہ کرلیا تھا اس عورت نے یوسف کا ، اور وہ (یوسف) بھی ارادہ کرلیتا اس عورت کا، اگر نہ ہوتی یہ بات کہ دیکھ چکا تھا یوسف برہان اپنے رب کی۔ ‘‘