احکام ومسائل جلد دوم

اللہ تعالیٰ تمہیں کلالہ کے بارے میں فتویٰ دیتا ہے اگر کوئی شخص فوت ہو جائے جس کی اولاد نہ ہو اور ایک بہن ہو تو اس کے چھوڑے ہوئے مال کا آدھا حصہ ہے اور وہ بھائی اس بہن کا وارث ہو گا اگر اس کے اولاد نہ ہو۔‘‘ ] اور کلالہ اس کو کہتے ہیں جس کا نہ باپ ہو نہ بیٹا۔ ادھر محمد اقبال کا باپ محمد یعقوب موجود ہے ۔ لہٰذا وہ کلالہ نہیں ۔ رسول اللہ صلی اللہ علیہ وسلم کا فرمان ہے: (( أَلْحِقُوا الْفَرائِضَ بِأَھْلِھَا فَمَا بَقِیَ فَھُوَ لِاَوْلیٰ رَجُلٍ ذَکرٍَ)) [’’شریعت کے مقرر کردہ حصے ان کے مستحق حصہ داروں کو ادا کر دو اور پھر جو باقی بچ جائے اسے سب سے قریبی مرد وارث کو دے دو۔‘‘ [بخاری ، مسلم]اس سے ثابت ہوتا ہے کہ باپ کی موجودگی میں بہن بھائی وارث نہیں بنتے۔ قصہ مختصر محمد اقبال کی والدہ کی جائیدادسے جو ڈیڑھ لاکھ ملا اس کو اس کی اپنی جائیداد میں شامل کر کے جو کل جائیداد بنے اس کا چوتھا حصہ اس کی بیوی کو باقی تین حصے (()اس کے باپ کو دے دیا جائے بشرطیکہ کوئی وصیت قرض نہ ہو۔ بیوہ کے عدت گزارنے کے بعد شادی کرنے کی وجہ سے اس کو پہلے فوت شدہ خاوند کی جائیداد سے محروم نہیں کیا جا سکتا۔ واللہ اعلم ۔ س: کیا فرماتے ہیں علمائے کرام بیچ اس مسئلہ کے ایک شخص علی محمد فوت ہو گیا ۔ بوقت فوتیدگی اس کے د و پوتے اور دو پوتیوں کے علاوہ اس کا ایک بھتیجا زندہ تھے۔ ارشاد فرمائیں کہ علی محمد متوفی کی وراثت کے حق دار کون کون ہوں گے؟ نوازش ہو گی۔(میاں عبدالحمید کھوکھر) ج: آپ نے لکھا ’’ایک شخص علی محمد فوت ہو گیا ، بوقت فوتیدگی اس کے دو پوتے اور دو پوتیاں کے علاوہ اس کا ایک بھتیجا زندہ تھے ارشاد فرمائیں کہ علی محمد متوفی کی وراثت کے حقدار کون کون ہوں گے۔‘‘ سوال صحیح ، واقع اور نفس الأمر کے مطابق ہونے کی صورت میں جواب مندرجہ ذیل ہے۔ بتوفیق اللّٰه تبارک و تعالیٰ و عونہ۔ اللہ تعالیٰ کا فرمان ہے:﴿یُوْصِیْکُمُ ا للّٰه فِیْٓ اَوْلَادِکُمْ لِلذَّکَرِ مِثْلُ حَظِّ الْأُنْثَیَیْنِ﴾ [النساء:۱۱] [ ’’ اللہ تعالیٰ تمہیں تمہاری اولاد کے بارے میں حکم کرتا ہے کہ ایک لڑکے کا حصہ دو لڑکیوں کے برابر ہے۔‘‘ ] اور معلوم ہے کہ پوتے پوتیاں اولاد میں شامل ہیں ۔ پھر اللہ تعالیٰ کا فرمان: ﴿یَسْتَفْتُوْنَکَ قُلِ ا للّٰه یُفْتِیْکُمْ فِی الْکَلَالَۃِ إِنِ امْرُؤٌ ھَلَکَ لَیْسَ لَہٗ وَلَدٌ وَلَہٗ أُخْتٌ فَلَھَا نِصْفُ مَا تَرَکَ﴾[النساء:۱۷۶] [ ’’آپ سے فتویٰ پوچھتے ہیں آپ کہہ دیجئے کہ اللہ تعالیٰ خود تمہیں کلالہ کے بارے میں فتویٰ دیتا ہے ، اگر کوئی شخص مر جائے جس کی اولاد نہ ہو اور ایک بہن ہو تو اس کے چھوڑے ہوئے مال کا آدھا حصہ ہے۔‘‘ ] بیٹے یا بیٹے کے بیٹے