احکام ومسائل جلد دوم

اس حدیث سے معلوم ہوا کہ جو شخص بھی نماز میں ہو اکیلا ہو یا جماعت کے ساتھ، امام ہو یا مقتدی، مقیم ہو یا مسافر، فرض پڑھ رہا ہو یا نوافل، امام سورۂ فاتحہ پڑھ رہا ہو یا کوئی اور سورت بلند آواز سے پڑھ رہا ہو یا آہستہ اگر اسے سورۂ فاتحہ آتی ہو ، پھر بھی نہ پڑھے تو اس کی نماز نہیں ہوگی۔ ] ۷ ؍ ۲ ؍ ۱۴۲۳ھ س: کوئی آدمی امام کے ساتھ نماز میں اس وقت ملے جب امام آدھی فاتحہ پڑھ چکا ہو تو آیامسبوق فاتحہ سنے گایا اپنی پڑھے گا ، اگرپڑھے گا تو درمیان سے یا شروع سے؟ (عبدالصمد بن موج علی) ج: امام کی قراء ت سنے گا بھی اور سورۂ فاتحہ آغاز سے لے کر آخر تک پڑھے گابھی۔ خود سراً پڑھنے اور دوسرے کی آواز سننے میں کوئی منافاۃ ومنازعہ نہیں ۔ اللہ تعالیٰ کا فرمان ہے: ﴿ وَاِذَا قُرِیَٔ الْقُرْآنُ فَاسْتَمِعُوْا لَہٗ وَأَنْصِتُوْا لَعَلَّکُمْ تُرْحَمُوْنَط﴾ [الاعراف:۲۰۴] [’’اور جب قرآن کی تلاوت کی جائے تو تم اس کی طرف ہی کان لگائے رہو اور خاموش رہو تاکہ تم پر رحم کیا جائے۔ ‘‘] رسول کریم صلی اللہ علیہ وسلم کا فرمان ہے: (( لاَ صَلاَۃَ لِمَنْ لَّمْ یَقْرَأْ بِفَاتِحَۃِ الْکِتَابِ)) [1] [’’جس آدمی نے سورۂ فاتحہ نہ پڑھی اس کی نماز نہیں ۔ ‘‘] ۱۶ ؍ ۱۲ ؍ ۱۴۲۳ھ س: اگر ایک آدمی حالت قیام میں جماعت سے ملا ہے اور امام رکوع میں چلا گیا ہے اور مقتدی ( جو امام کو حالت قیام میں ملا ہے) مٰلِکِ یَوْمِ الدِّیْن ِپر پہنچا ہے۔ کیا اب وہ سورۂ فاتحہ مکمل کرکے رکوع کرے یا اسی طرح سورۂ فاتحہ کو چھوڑ کر رکوع میں مل جائے نیز یہ بھی بتائیں کہ اُس کی وہ رکعت شمار ہوگی یا نہیں ؟ (محمد ابراہیم محمدی) ج: صورت مسؤلہ میں مقتدی پر لازم ہے کہ وہ رکوع جائے۔ رسول اللہ صلی اللہ علیہ وسلم کا فرمان ہے: (( وَاِذَا رَکَعَ فَارْکَعُوْا)) [2] ’’جب امام رکوع کرے تو تم رکوع کرو۔‘‘ اگر مقتدی اس صورت میں کھڑا سورۂ فاتحہ پڑھتا رہے تو رسول اللہ صلی اللہ علیہ وسلم کے مذکورہ بالا فرمان کی خلاف ورزی لازم آئے گی۔ اس صورت میں چونکہ سورۂ فاتحہ نہیں پڑھی گئی اس لیے وہ رکعت نہیں ہوگی۔ کیونکہ رسول اللہ صلی اللہ علیہ وسلم کا فرمان ہے: ((لاَ صَلاَۃَ لِمَنْ لَّمْ یَقْرَأْ بِفَاتِحَۃِ الْکِتَابِ)) [3] حضرت ابوبکرہ رضی اللہ عنہ سے روایت ہے کہ وہ نبی اکرم صلی اللہ علیہ وسلم کے ساتھ نماز میں شامل ہوئے اس وقت آپ

[1] بخاری ؍ الأذان ؍ باب وجوب القراء ۃ للإمام والماموم فی الصلوٰت کلھا ، مسلم ؍ الصلاۃ ؍ باب وجوب قراء ۃ الفاتحۃ فی کل رکعۃ [2] صحیح بخاری ؍ کتاب الأذان ؍ بابٌ إِنَّمَا جُعِلَ الْاِمَامُ لِیُوْتَمَّ بِہٖ [3] صحیح بخاری؍کتاب الأذان؍ باب وجوب القراء ۃ للامام والماموم فی الصّلوات کلھا فی الحضر والسفر وما یجھر فیھا وما یخَافَتُ