احکام ومسائل جلد دوم

ایسی کتاب سنی ہے جو موسیٰ کے بعد نازل ہوئی ہے وہ اپنے سے پہلی کتابوں کی تصدیق کرتی ہے۔ حق اور صراطِ مستقیم کی طرف رہنمائی کرتی ہے۔ اے ہماری قوم! اللہ کی طرف بلانے والے کی بات مان لو اور اس پر ایمان لے آؤ وہ تمہارے گناہ بخش دے گا اور تمہیں المناک عذاب سے بچالے گا۔ اور جو اللہ کی طرف بلانے والے کی بات نہ مانے تو وہ زمین میں اسے عاجز نہیں کرسکتا۔‘‘ ] ﴿قُلْ أُوْحِیَ إِلَیَّ أَنَّہُ اسْتَمَعَ نَفَرٌ مِّنَ الْجِنِّ فَقَالُوْآ إِنَّا سَمِعْنَا قُرْاٰنًا عَجَبًا الخ﴾ [الجنّ:۱][’’ کہیے مجھے وحی ہوئی کہ جنوں کے گروہ نے (قرآن) غور سے سنا ، پھر کہا کہ ہم نے عجیب قرآن سنا ہے۔‘‘ ]جن جنوں اور انسانوں کو بسا اوقات نفع و نقصان بھی پہنچاتے ہیں ۔ اللہ تعالیٰ کا فرمان ہے: ﴿وَأَنَّہٗ کَانَ رِجَالٌ مِّنَ الْاِنْسِ یَعُوْذُوْنَ بِرِجَالٍ مِّنَ الْجِنِّ فَزَادُوْھُمْ رَھَقًا o﴾[الجن:۶][’’ اور یہ کہ انسانوں میں سے کچھ لوگ جنوں کے کچھ لوگوں کی پناہ مانگا کرتے تھے، چنانچہ انہوں نے جنوں کے غرور کو بڑھادیا تھا۔‘‘ ] ﴿وَکَذٰلِکَ جَعَلْنَا لِکُلِّ نَبِیٍّ عَدُوًّا شَیَاطِیْنَ الْاِنْسِ وَالْجِنِّ یُوْحِیْ بَعْضُھُمْ إِلٰی بَعْضٍ زُخْرُفَ الْقَوْلِ غُرُوْرًا ﴾[الانعام:۱۱۲][’’ اسی طرح ہم نے شیطان سیرت انسانوں اور جنوں کو ہر نبی کا دشمن بنایا جو دھوکہ دینے کی غرض سے کچھ خوش آئند باتیں ایک دوسرے کو پھونکتے رہتے ہیں ۔‘‘] ﴿یٰمَعْشَرَ الْجِنِّ قَدِ اسْتَکْثَرْتُمْ مِّنَ الْاِنْسِ وَقَالَ أَوْلِیَآئُھُمْ مِّنَ الْاِنْسِ رَبَّنَا اسْتَمْتَعَ بَعْضُنَا بِبَعْضٍ ط الخ﴾ [الانعام:۱۲۸][’’ اے گروہ جن! تم نے بہت سے آدمیوں کو ( اپنا تابع) بنا رکھا تھا اور انسانوں میں سے جنوں کے دوست کہیں گے ، ہمارے رب ہم نے ایک دوسرے سے خوب فائدہ اٹھایا، حتی کہ وہ وقت آگیا جو تو نے ہمارے لیے مقرر کیا تھا۔ اللہ فرمائے گا: تم سب کا ٹھکانا جہنم ہے۔‘‘ ] جن سلیمان علیہ الصلاۃ والسلام کے تابع تھے، اللہ تعالیٰ فرماتے ہیں : ﴿وَالشَّیَاطِیْنَ کُلَّ بَنَّآئٍ وَّغَوَّاصٍ o وَآخَرِیْنَ مُقَرَّنِیْنَ فِی الْاَصْفَادِ o﴾ [صٓ:۳۷ ، ۳۸][’’ اور شیطان بھی مسخر کردیے جو سب معمار و غوطہ زن تھے اور کچھ دوسرے زنجیروں میں جکڑے ہوئے تھے۔‘‘] نیز فرمایا: ﴿وَمِنَ الْجِنِّ مَنْ یَّعْمَلُ بَیْنَ یَدَیْہِ بِإِذْنِ رَبِّہٖ وَمَنْ یَّزِغْ مِنْھُمْ عَنْ أَمْرِنَا نُذِقْہُ مِنْ عَذَابِ السَّعِیْرِ o یَعْمَلُوْنَ لَہٗ مَا یَشَآئُ ط الخ﴾[سبا:۱۲][’’ اور بعض جن اپنے رب کے حکم سے ان کے سامنے کام کرتے تھے اور ان میں سے کوئی ہمارے حکم سے سرتابی کرتا تو ہم اسے بھڑکتی آگ کے عذاب کا ذائقہ چکھاتے جو سلیمان چاہتے وہی جن ان کے لیے بناتے۔‘‘] رسول اللہ صلی اللہ علیہ وسلم نے ایک جن کو پکڑنے کا ارادہ فرمایا، بلکہ اسے پکڑنے پر قادر ہوگئے تو آپ نے فرمایا: ’’مجھے اپنے بھائی سلیمان عليہ السلام کی دعاء یاد آگئی تو آپ نے اسے ردودفع کردیا۔ ‘‘[1] ابوہریرہ رضی اللہ عنہ ایک جن کو دو

[1] بخاری ؍ کتاب التفسیر ، سورۃ:ص