احکام ومسائل جلد دوم

3۔نمبر:۱ میں درج شدہ آیات و سور کو کثرت سے پڑھتا رہے، ان شاء اللہ فائدہ ہوگا۔ 4۔ تعویذ خواہ قرآن و حدیث کے کلمات کا ہی کیوں نہ ہو رسول اللہ صلی اللہ علیہ وسلم سے ثابت نہیں ۔ 5۔یہ ان عاملوں سے پوچھیں مجھے اس کا علم نہیں ۔ کتاب ’’ جادوگروں کا قلع قمع کرنے والی تلوار ‘‘ رحمکم ا للّٰه العزیز الغفار کا مطالعہ فرمائیں ۔ ۲۴ ؍ ۶ ؍ ۱۴۲۱ھ س: کیا جن قابو ہوجاتے ہیں ؟ اگر ہوجاتے ہیں تو کیا ہم کرسکتے ہیں یا نہیں ؟ ہر دو صورت دلیل لکھ دیں ۔ بعض اوقات لوگ آتے ہیں کہ ہمارے بچے کو جن چمٹ گئے ہیں تو اس کا علاج کس طرح کریں ، کیونکہ جن کے پاس جن ہیں وہ اس کے ذریعے کچھ کرتے ہیں اور جن نکالتے ہیں ۔ لہٰذا ہمیں ایسے مریضوں کا علاج کس طرح کرنا چاہیے ہم اس جن کو کس طرح حاضر کریں اور اس سے پوچھیں یا علاج نہ کریں اور اس کو جنوں والے کے پاس بھیج دیں ۔ اس کے بارے میں مکمل تفصیل تحریر فرمادیں ؟ (قاسم بن سرور ، فیصل آباد) ج: جن اللہ تعالیٰ کی مخلوق ہے، اللہ تعالیٰ فرماتے ہیں : ﴿ وَالْجَآنَّ خَلَقْنَاہُ مِنْ قَبْلُ مِنْ نَّارِ السَّمُوْمِ ﴾ [الحجر:۲۷][ ’’ اور جنوں کو اس سے پہلے ہم آگ کی لپٹ سے پیدا کرچکے تھے۔‘‘]﴿ وَخَلَقَ الْجَآنَّ مِنْ مَّارِجٍ مِّنْ نَّارٍ ﴾ [الرحمٰن:۱۵][’’ اورجنوں کو آگ کے شعلہ سے پیدا کیا۔ ‘‘ ] ابلیس لعین نے کہا تھا: ﴿ أَنَا خَیْرٌ مِّنْہُ خَلَقْتَنِیْ مِنْ نَّارٍ وَّخَلَقْتَہٗ مِنْ طِیْنٍ ﴾[ ’’میں آدم سے بہتر ہوں ، کیونکہ تو نے مجھے آگ سے پیدا کیا ہے اور اسے مٹی سے۔ ‘‘] [الاعراف:۱۲]ان میں سے بعض نیک اور مسلم اور بعض بد اور ظالم: ﴿ وَأَنَّا مِنَّا الصَّالِحُوْنَ وَمِنَّا دُوْنَ ذٰلِکَ ط﴾[الجن:۱۱][ ’’ ہم میں سے کچھ نیک لوگ ہیں اور کچھ اس سے کم درجہ کے ہیں ۔‘‘ ]﴿وَأَنَّا مِنَّا الْمُسْلِمُوْنَ وَمِنَّا الْقٰسِطُوْنَ ط﴾الخ [الجن:۱۴] [’’ہم میں سے کچھ مسلمان اور کچھ بے انصاف ہیں ۔‘‘ ]﴿وَإِذْ صَرَفْنَآ إِلَیْکَ نَفَرًا مِّنَ الْجِنِّ یَسْتَمِعُوْنَ الْقُرْآنَ فَلَمَّا حَضَرُوْہُ قَالُوْآ اََنْصِتُوْا فَلَمَّا قُضِیَ وَلَّوْا إِلٰی قَوْمِھِمْ مُّنْذِرِیْنَ o قَالُوْا یٰقَوْمَنَآ إِنَّا سَمِعْنَا کِتَابًا أُنْزِلَ مِنْ م بَعْدِ مُوْسٰی مُصَدِّقًا لِّمَا بَیْنَ یَدَیْہِ یَھْدِیْٓ إِلَی الْحَقِّ وَإِلٰی طَرِیْقٍ مُّسْتَقِیْمٍ o یٰقَوْمَنَآ اَجِیْبُوْا دَاعِیَ ا للّٰه وَآمِنُوْا بِہٖ یَغْفِرْلَکُمْ مِّنْ ذُنُوْبِکُمْ وَیُجِرْکُمْ مِّنْ عَذَابٍ اَلِیْمٍ o وَمَنْ لاَّ یُجِبْ دَاعِیَ ا للّٰه ط الخ﴾[الاحقاف:۲۹ تا ۳۲][’’ اور جب ہم جنوں کے ایک گروہ کو آپ کی طرف لائے، جو قرآن سن رہے تھے، جب وہ اس مقام پر پہنچے تو کہنے لگے۔ خاموش ہوجاؤ ، پھر جب قرآن پڑھا جاچکا تو وہ ڈرانے والے بن کر اپنی قوم کے پاس لوٹے۔ کہنے لگے: اے ہماری قوم! ہم نے