احکام ومسائل جلد دوم

بن أبی منصور عن دخین الحجری عن عقبۃ بن عامر الجہنی أن رسول ا للّٰه صلی ا للّٰه علیہ وسلم أقبل إلیہ رھط ، فبایع تسعۃ وأمسک عن واحد ، فقالوا: یا رسول ا للّٰه بایعت تسعۃ وترکت ھذا۔ قال: إن علیہ تمیمۃ۔ فأدخل یدہ ، فقطعھا ، فبایعہ ، وقال: من علق تمیمۃ فقد أشرک۔ ‘‘)) [1][’’ بے شک رسول اللہ صلی اللہ علیہ وسلم کے پاس (۱۰) دس آدمی آئے آپ نے (۹) نو کی بیعت کی اور ایک کی بیعت نہ کی۔ تو انہوں نے کہا: آپؐ نے (۹) سے بیعت لی اور اس کو چھوڑ دیا۔ آپ نے فرمایا: ’’اس پر تمیمہ ہے۔ ‘‘ آپ صلی اللہ علیہ وسلم نے اپنا ہاتھ داخل کیا اور اس کو کاٹ دیا۔ پھر اس سے بیعت لی۔ اور فرمایا: ’’جس نے تمیمہ لٹکایا اس نے شرک کیا۔‘‘ ] پوری حدیث پڑھ جائیے آپ کو اس میں کہیں بھی لفظ تعویذ نظر نہیں آئے گا۔ ہاں ! رسول اللہ صلی اللہ علیہ وسلم کا فرمان: ’’ مَنْ عَلَّقَ تَمِیْمَۃً فَقَدْ أَشْرَکَ ‘‘جس نے تمیمہ لٹکایا بلاشبہ اس نے شرک کیا۔ ‘‘ اس میں موجود ہے۔ اب قابل غور چیز یہ ہے کہ تمیمہ کیا ہے؟ جس کے لٹکانے کو رسول اللہ صلی اللہ علیہ وسلم نے شرک قرار دیا تو محترم سنیں مشہور و معروف لغت دان مجد الدین فیرزآبادی القاموس المحیط میں لکھتے ہیں : (( والتمیم التام الخلق ، والشدید ، وجمع تمیمۃ کا لتمائم لخرزۃ رقطاء تنظم فی السیر ، ثم یعقد فی العنق))تو جناب من! تمیمہ کا لفظ دھاری دار کرزہ ومنکہ جو چمڑے کی تندی میں پرولیا جاتا، پھر گردن میں باندھ دیا جاتا ہے پر بولا جاتا ہے تو رسول اللہ صلی اللہ علیہ وسلم اس قسم کے خرزات و منکوں ، کوڈوں اور گھک منکوں کے لٹکانے کو شرک قرار دے رہے ہیں نہ کہ کاغذوں یا چمڑوں میں لکھے ہوئے کتاب و سنت کے کلمات لٹکانے کو۔ شاید آپ میری اس ساری بات چیت سے نتیجہ اخذ کرلیں یہ تو تعویذ کا قائل ہوگیا ہے تو محترم دو ٹوک الفاظ میں اپنا عقیدہ لکھ دیتا ہوں تاکہ آپ میرے متعلق کسی بدگمانی میں مبتلا نہ ہوجائیں تو سنیں : ’’ تعویذ کرنا کروانا یا لٹکانا لٹکوانا رسول اللہ صلی اللہ علیہ وسلم سے ثابت نہیں ۔‘‘ یہ ہے میرا عقیدہ اور وہ تھا آپ کی باتوں کا جواب۔ غفرلنا ا للّٰه العزیز الوہاب۔ 10۔ آپ لکھتے ہیں : ’’ اے نبیؐ! اعلان فرمادیجئے کہ اگر میں نے تم لوگوں سے اس دین پر معاوضہ مانگا تو وہ تمہارا ہی رہا میرا صلہ اور مزدوری تو اللہ کے ذمہ ہے اور وہ ہر چیز پر شاہد ہے۔‘‘ آیت نمبر: ۴۷ سورۂ السبا کا ترجمہ۔ آپ کا کلام ختم ہوا۔ سورۂ سبا کی محولہ بالا آیت کریمہ نقل کیے دیتا ہوں تاکہ آپ اس کے الفاظ کو سامنے رکھ کر اپنے ترجمہ کا جائزہ

[1] مسند أحمد:۴؍۱۵۶