کتاب: احکام و مسائل جلد اول - صفحہ 546
س: کیا فرماتے ہیں علماء کرام کتاب وسنت کی روشنی میں ان ناموں کے بارے میں کیا یہ رکھنا درست ہیں مثلاً غلام رسول ، غلام نبی ، نبی بخش ، غلام حسین ، ولی بخش ، غلام فرید یا اسی طرح کے کچھ دوسرے ناموں کے بارے میں کیونکہ کچھ لوگ غلام کے معنی فرمانبردار کے کر کے رکھ لیتے ہیں ؟ مجیب الرحمن بن عمر دین ضلع بہاولنگر
ج: نبی بخش ، ولی بخش جیسے نام درست نہیں کیونکہ اولاد اللہ ہی بخشتا ہے﴿یَہَبُ لِمَنْ یَّشَآئُ إِنَاثًا وَّیَہَبُ لِمَنْ یَّشَآئُ الذُّکُوْرَ﴾(۱) الآیۃ [بخشتا ہے جس کو چاہے بیٹیاں اور بخشتا ہے جس کو چاہے بیٹے] غلام رسول ، غلام نبی ، غلام حسین ، غلام فرید جیسے نام درست ہیں بشرطیکہ غلام بمعنی خادم ہو ۔ واللہ اعلم ۲۵/۴/۱۴۱۹ ھ