کتاب: احکام و مسائل جلد اول - صفحہ 345
بَیْنَہُمْ بِالْمَعرُوْفِ﴾ لہٰذا صورت مسؤلہ میں خاوند اپنی مطلقہ بیوی کے ساتھ عدت کے اندر اندر تو رجوع کر سکتا ہے بشرطیکہ وہ اصلاح کا ارادہ رکھتا ہو اور عدت گذر جانے کے بعد نیا نکاح کر سکتا ہے بشرطیکہ فریقین باہم رضامند ہوں۔ واللہ اعلم ۱۷/۵/۱۴۱۸ ھ
س: غلام حیدر نے اپنی بیوی کو بذریعہ ا شٹام مورخہ ۹۲۔۳۔۴ کو ایک ہی وقت میں تین عدد طلاقیں دی تھیں کیا غلام حیدر اب اپنی سابقہ بیوی سے دوبارہ رجوع کر سکتا ہے یا کہ نہیں اور اگر کر سکتا ہے تو طریقہ کار کیا ہے جب کہ اسکی بیوی نے ابھی تک دوسرا نکاح نہیں کیا۔
ج: صورت مسؤلہ میں غلام حیدر اپنی مطلقہ بیوی سے عدت کے اندر رجوع بلا نکاح جدید اور عدت کے بعد رجوع بانکاح جدید کر سکتا ہے کیونکہ ایک ہی وقت کی تین طلاقیں ایک طلاق ہوتی ہے صحیح مسلم میں ہے عبداللہ بن عباس رضی اللہ عنہما فرماتے ہیں رسول اللہ صلی اللہ علیہ وسلم اور ابوبکر رضی اللہ عنہ کے زمانہ میں تین طلاقیں ایک طلاق ہوا کرتی تھیں (الحدیث) قرآن مجید میں ہے :﴿وَبُعُوْلَتُہُنَّ اَحَقُّ بِرَدِّہِنَّ فِیْ ذٰلِکَ إِنْ أَرَادُوْآ إِصْلاَحًا﴾ [اور خاوند ان کے بہت حقدار ہیں ساتھ پھیر لینے ان کے کے بیچ اس کے اگر چاہیں صلح کرنا] نیز قرآن مجید میں ہے :﴿وَاِذَا طَلَّقْتُمُ النِّسَآئَ فَبَلَغْنَ اَجَلَہُنَّ فَلاَ تَعْضُلُوْہُنَّ اَنْ یَّنْکِحْنَ اَزْوَاجَہُنَّ إِذَا تَرَاضَوْا بَیْنَہُمْ بِالْمَعْرُوْفِ﴾ [اور جب طلاق دو تم عورتوں کو پس پہنچیں عدت اپنی کو پس مت منع کرو ان کو یہ کہ نکاح کریں خاوندوں اپنے سے جب راضی ہوں آپس میں ساتھ اچھی طرح کے] واللہ اعلم ۱۲/۷/۱۴۱۴ ھ
س: ایک آدمی جو تقریباً ۴۵ سال کا معمر شخص ہے جس کی بیوی پر کسی نے زنا کا الزام لگایا ۔ اس نابینا آدمی نے غصہ میں آکر اسے اسی وقت تین طلاقیں دے دیں کہ تجھے طلاق طلاق طلاق ۔ اس واقعہ کے بعد اس نے کوئی باقاعدہ طلاق نہیں دی ۔ وہ سمجھتا رہا کہ اس نے تین طلاقیں دے دی ہیں اور وہ واقع ہو چکی ہیں۔ اس واقعہ کو تقریباً ۳ ماہ گذرنے کو ہیں آپ قرآن وسنت کی روشنی میں ارشاد فرمائیں کہ کیا وہ طلاق بائن ہی ہے اگر اس نے طلاق
(۱) واقعۃً غصے کی حالت میں دی ہو ۔(۲) زنا کا الزام سچا ہو ۔( ۳) یا زنا کا الزام جھوٹا ہو ۔ (۴) متعلقہ صورت میں تین طلاقیں واقع ہو گئی ہیں ؟ (۵) جبکہ تین ماہ گذر چکے ہیں ۔ (۶) طلاق بائن کی صورت میں دوبارہ اکٹھ کی کیا صورت ہو گی ؟ (۷) اگر طلاق بائن واقع نہ ہوئی ہو تو دوبارہ رجوع کاکیا طریقہ ہے ؟ (۸)رجوع کے بعد ولیمہ کی تقریب ہو گی ؟ 20/1/92