آیت الکرسی کی فضیلت اور تفسیر

روزِ قیامت کوئی ان کی اجازت کے بغیر ان کے حضور شفاعت کرنے کی جسارت بھی نہیں کرپائے گا۔ قاضی بیضاوی لکھتے ہیں: ’’بَیَانٌ لِّکِبْرِیَآئِ شَاْنِہٖ سُبْحَانَہٗ وَ تَعَالٰی، وَ أَنَّہٗ لَآ أَحَدٌ یُّسَاوِیْہِ أَوْ یُدَانِیْہِ یَسْتَقِلُّ بِأَنْ یَّدْفَعَ مَا یُرِیْدُہٗ شَفَاعَۃً وَّ اسْتِکَانَۃً، فَضْلًا عَنْ أَنْ یَّعَاوِقَہٗ عِنَادًا أَوْ مُنَاصَبَۃً أَيْ مُخَاصَمَۃً۔‘‘[1] ’’اللہ سبحانہ و تعالیٰ کی شانِ کبریائی کا بیان ہے، کہ یہ تو بہت دور کی بات ہے، کہ کوئی عناد یا دشمنی یا جھگڑے سے ان کے ارادے کی راہ میں رکاوٹ بنے، بلکہ صورتِ حال یہ ہے، کہ ایسا بھی نہیں ہے، کہ کوئی ان کے مساوی یا (رتبے میں) قریب ہونے کی بنا پر شفاعت یا ان کے رُوبرو عاجزی کرکے، ان کے ارادے کو ٹال دے۔‘‘ علامہ ابوحیان اندلسی نے تحریر کیا ہے: ’’وَ فِيْ ہٰذِہٖ الْآیَۃِ أَعْظَمُ دَلِیْلٍ عَلٰی مَلَکُوْتِ اللّٰہِ، وَ عِظَمِ کِبْرِیَآئِہٖ، بِحَیْثُ لَا یُمْکِنُ أَنْ یُّقْدِمَ أَحَدٌ عَلَی الشَّفَاعَۃِ عِنْدَہٗ إِلَّا بِإِذْنٍ مِنْہُ تَعَالٰی۔[2] ’’اور اس آیت میں اللہ تعالیٰ کی بادشاہت اور کبریائی کی عظمت کی سب سے بڑی دلیل ہے، کہ کسی کے لیے یہ بھی ممکن نہیں، کہ وہ ان کے حضور

[1] تفسیر البیضاوي ۱/۱۳۴۔ نیز ملاحظہ ہو: الکشاف ۱/ ۳۸۴۔ ۳۸۵؛ وتفسیر ابن کثیر ۱/۳۳۱؛ وتفسیر أبي السعود ۱/۲۴۸؛ وتفسیر النسفي ۱/۱۲۸۔ [2] البحر المحیط ۱/۲۸۸۔