کتاب: آسان توحید - صفحہ 51
شرک اکبر اور شرک اصغر کی مثالیں
شرک اکبر کی مثالیں:
ا: شرک اکبر جلی:… غیر اللہ کے لیے ذبح کرنا، غیراللہ کے نام کی نذر ماننا، اور غیرللہ سے مدد مانگنا۔
ب: شرک اکبرخفی:…جیسے منافقین کا شرک اورریاکاری، مثلاً: دل میں غیراللہ کا خوف یعنی ایسی بات پر خوف رکھنا جس پراللہ تعالیٰ کے علاوہ کوئی بھی قادر نہیں۔
شرک اصغر کی مثالیں:
ا: شرک اصغر جلی:…غیراللہ کی قسم اٹھانا،اوریہ کہنا جواللہ تعالیٰ چاہے اور تم چاہو۔ اور یہ کہنا: اگر اللہ تعالیٰ اور تم نہ ہوتے۔‘‘
ب: شرک اصغر خفی: …جیسے معمولی قسم کی ریاکاری۔اور پروندوں سے فال نکالنا۔
شرک سے بچنے کی مفیددعا:
سیّدنا ابوموسیٰ رضی اللہ عنہ فرماتے ہیں: رسول اللہ صلی اللہ علیہ وسلم نے فرمایا:
’’ اے لوگو! شرک سے بچ کر رہو، بے شک یہ چیونٹی کی چال سے زیادہ مخفی ہوتا ہے۔‘‘ پھرایک انسان نے آپ سے عرض کیا: ’’ یارسول اللہ! جب یہ چیونٹی کی چال سے زیادہ مخفی ہے تو ہم اس سے کیسے بچ سکتے ہیں ؟۔تو آپ نے فرمایا: ’’ تم یوں کہا کرو:
((اَللّٰہُمَّ اِنَّا نَعُوْذُ بِکَ مِنْ أَنْ اُشْرِکْ بِکَ شَیْئًا نَعْلَمُہُ وَنَسْتَغْفِرُکَ لِمَا لَا نَعْلَمُہٗ۔))[رواہ أحمد وحسنہ الالبانی]
’’اے اللہ! ہم تیری پناہ مانگتے ہیں کہ ہم جانتے ہوئے تیرے ساتھ شرک کا ارتکاب کریں، اور اس جس چیز کو ہم نہیں جانتے اس پر تیری مغفرت کے طلب گار ہیں۔‘‘