کتاب: آسان حج و عمرہ مع زیارات مدینہ - صفحہ 145
ذات گرامی پر درود و سلام بھیجے۔ اور اللہ تعالیٰ کے سامنے اپنی معروضات پیش کرے۔
یوم ِعرفہ کے فضائل:
اصل حج وقوف عرفہ ہی ہے۔ نبی کریم صلی اللہ علیہ وسلم نے فرمایا ہے :’’ حج عرفات میں وقوف کا نام ہے اور جو شخص مزدلفہ کی رات طلوع فجر سے پہلے عرفات میں پہنچ جائے تو اس نے حج کو پالیا۔‘‘ (سنن الترمذی و ابن ماجہ )
اس دن کے اور بھی بڑے فضائل احادیث میں بیان ہوئے ہیں ؛ جن میں سے چند ایک فضائل یہ ہیں :
٭ ’’کوئی دن ایسا نہیں جس میں اللہ تعالیٰ یومِ عرفہ سے زیادہ اپنے بندوں کو جہنم سے رہائی دے۔‘‘(مسلم)
٭ اس دن اللہ تعالیٰ اپنی شان و جلال کے مطابق آسمان ِ دنیا پرنازل ہوتا ہے اور فرشتوں کے سامنے اہلِ عرفات