آفات نظر اور ان کا علاج

بیان ہے کہ ہم محمد بن حسین کی خدمت میں حاضر ہوئے ہمارے ساتھ ایک امرد تھا جو مجلس میں ان کے سامنے بیٹھ گیا تو انہوں نے فرمایا تم میرے سامنے سے اٹھ جاؤ اور میرے پیچھے آکر بیٹھو۔فتح موصلی فرماتے ہیں کہ میں تیس مشائخ سے ملا ہوں ان میں سے ہر ایک نے مجھے رخصت کرتے وقت یہ وصیت کی کہ نوجوانوں کی ہم نشینی سے بچتے رہنا۔امام بشربن حارث حافی فرماتے تھے کہ خوبصورت لڑکوں سے پرہیز کیا کرو۔ (ذم الھوی،تلبیس ابلیس) اللہ والوں میں ایک نام امیہ بن صامت رحمہ اللہ کا بھی ہے۔حافظ ابن جوزی رحمہ اللہ نے ذکر کیا ہے کہ اتفاقا انہوں نے ایک لڑکے کو دیکھا تو یہ آیت تلاوت کی ﴿ھُوَ مَعَکُمْ اَیْنَمَا کُنْتُمْ وَاللّٰہُ بِمَا تَعْمَلُوْنَ بَصِیْرٌ﴾’’جہاں کہیں بھی تم ہوگے اللہ تمہارے ساتھ ہو گا اور جو کچھ تم کرتے ہو وہ سب دیکھتا ہے۔‘‘پھر کہنے لگے کہ اللہ تعالیٰ کے قید خانے سے کون بھاگ سکتا ہے اس نے تو قید خانے کے نگران بڑے سخت او رکرخت فرشتوں کو مقرر کر رکھا ہے۔اللہ اکبر! میرا اس لڑکے کی طرف دیکھنا اللہ تعالیٰ کی طرف سے کتنی بڑ ی آزمائش ہے اس کی طرف دیکھنے کی مثال ایسی ہے جیسے کسی روز تیز ہوا چل رہی ہو اور جنگل میں اچانک آگ بھڑک اٹھے اسی حالت میں آگ ہر سو بہت جلدپھیل جائے گی اور ہر چیز کو جلا کر راکھ بنا دے گی۔پھر کہنے لگے میری آنکھ نے میرے دل میں کچھ منقش کیا ہے میں اس سے اللہ تعالیٰ کی بخشش و مغفرت کا خواستگار ہوں۔مجھے اس کا خوف ہے کہ میں اس گناہ کی بنا پر کہیں مستوجب سزا نہ قرار پاؤں،اگر چہ روز قیامت ستر صدیقوں کے عمل بھی میرے ساتھ ہوں۔یہ کہہ کر آبدید ہ ہو گئے یہاں تک کہ دیکھنے والے خیال کرتے تھے کہ کہیں فوت نہ ہو جائیں وہ روتے تھے اور یہ کہتے جاتے تھے: ’’یا طرف لاشغلنک بالبکاء عن النظر الی البلاء‘‘ ’’اے آنکھ !میں تجھے اس بلا انگیز نگاہ سے ہٹا کر گر یہ وزاری میں مشغول رکھوں گا‘‘(تلبیس ابلیس) بعض صوفیاء نے امر د کی طرف دیکھنے کو جائز قرار دیا اس سلسلے میں ہر ایک کی