آفات نظر اور ان کا علاج

وہ نگاہیں جو چار ہوتی ہیں بر چھیاں ہیں کہ پار ہوتی ہیں کوئی اپنے درد کی کہانی یوں شروع کرتا ہے ؎ مارا بغمزہ کشت و قضا را بہانہ ساخت خود سوئے ما ندید و حیاء را بہانہ ساخت کسی نے اس حقیقت کا اظہار یوں کیا ؎ یہ سب کہنے کی باتیں ہیں ہم ان کو چھوڑ بیٹھے ہیں جب آنکھیں چار ہوتی ہیں محبت آہی جاتی ہے مصحفی نے بھی شکوہ کیا ہے ؎ دل لے گئے آنکھوں میں یہ تدبیر لگا کر آئے تھے جو کل سرمہء تسخیر لگا کر کسی نے کہا ؎ آئے ادھر کھڑے ہوئے زلفوں کو بل دیے آنکھیں چلا کے دل کو لیا اور چل دیے عربی شاعر نے بھی کہاہے ؎ نظر ۃ فابتسامۃ فسلام فکلا م فموعد فلقاء ’’پہلے نظر،پھر مسکراہٹ،پھر سلام،پھر کلام،پھر وعدہ،پھر ملاقات ‘‘ اور کوئی کہتا ہے۔ ع آنکھیں ہیں جیسے مے کے پیالے بھر ے ہوئے غرض کہ جتنے منہ اتنی باتیں۔انہی خرابیوں کو دور کرنے کے لئے اسلام نے نگاہ کی حفاظت کی تاکید کی ہے۔حضرت سلیمان علیہ السلام نے اپنے فرزند ارجمند سے کہا تھا۔ ’’امش وراء الاسد والا سود ولا تمش وراء امرأۃ ‘‘(ذم الھوی : ص۱ ۸) ’’کہ شیر اور سانپ کے پیچھے چلو مگر عورت کے پیچھے مت چلو‘‘ کیونکہ شیر کے حملے اورسانپ کے ڈسنے سے صرف جان جاتی ہے لیکن عورت