آفات نظر اور ان کا علاج

لفظات،خطوات‘‘میں ہے۔یعنی نظر،دل کا خیال،بات چیت اور پاؤں سے آنا جانا۔اور ان میں سر فہرست یہی’’اللحظات‘‘یعنی نظربازی ہے۔یہ شہوت وخواہشات کی قاصد اور پیا مبر ہے اور نگا ہ کی حفاظت در حقیقت شر مگاہ اور شہوت کی جگہ کی حفاظت ہے۔ جس نے نظر کو آزاد چھوڑ دیا اس نے اسے ہلاکت میں ڈال دیا اور انسان عموما جن حوادث سے دو چار ہوتاہے۔نظران کی بنیاد ہے کیونکہ نظردل میں کھٹک پیدا کرتی ہے پھر کھٹک فکر کو وجود بخشتی ہے پھر فکر شہوت کو ابھارتی ہے۔پھرشہوت ارادہ کو جنم دیتی ہے اور وہ قوی ہو کر عزیمت اور ارادہ کی پختگی میں تبدیل ہو جاتی ہے۔اگر کوئی مانع حائل نہ ہو تو اس کے نتیجہ میں انسان بدکاری کا مرتکب ہو جاتا ہے۔اسی بناپر کہا گیا ہے کہ ’’الصبر علی غض البصر ایسر من الصبر علی الم ما بعدہ‘‘ ’’آنکھ جھکانے پر صبر آسان ہے بعد کی تکلیف پر صبر کرنے سے‘‘ یعنی آنکھ بند کر لینا آسان ہے مگر بعد کی تکلیف پر صبر مشکل ہے۔ عربی شاعر نے کہاہے ؎ کل الحوادث مبدأھا من النظر ومعظم النار من مستصغر الشرر کم نظرۃ بلغت من قلب صاحبھا کمبلغ السھم بین القوس والوتر ’’کہ تمام حوادث کی بنیاد نظر ہے اور بڑی ا ٓگ کا سبب چھوٹی سی چنگاری ہے کتنی نگاہیں دیکھنے والے کے دل میں ایسی پیوست ہو جاتی ہیں جیسے تیرکمان سے نکل کر پیوست ہو جاتاہے۔‘‘(الداء والدواء) اورظاہر ہے کہ نظر کا تیر اگر پیوست ہوگیا تو پھرا س سے حسرت،دل کی بے چینی و بیقراری بڑھتی ہے اور آہ وبکا نیم شبی پید ا ہوتی ہے۔انسان کے لئے یار ائے ضبط باقی نہیں رہتاہے اور یہ ایک مستقل عذاب بن کر نیم بسمل کی طرح اسے تڑپانے کا سبب بن جاتاہے۔مشہور شاعر میر دردؔنے اسی معنی میں کہا ہے ؎