آفات نظر اور ان کا علاج

آپ نے اسے ختم کرنے کا حکم فرمایا۔بول وبراز کی حاجت ہے تو فرمایا نماز سے پہلے اس سے فراغ ہو لو۔بھوک ستا رہی ہے تو حکم دیا پہلے کھانا کھا لو۔نمازی کے سامنے کوئی چیز توجہ بد لنے کا باعث ہے تو اسے ہٹا دینے کا حکم فرمایا۔نیند یا اونگھ کا غلبہ ہے تو فرمایا پہلے تھوڑا سا آرام کر لو۔ صرف اس لئے کہ نماز اطمینان وسکون اور پوری توجہ سے ادا کی جاسکے اور نمازی اپنے رب کا قرب حاصل کر سکے۔ غور کیجئے کہ نماز جو بے حیائی اور منکرات سے بچاؤ کا ذریعہ ہے۔اس میں نگاہ کو محفوظ رکھنے اور ادھر ادھر جھانکنے سے کس طرح روکا گیا ہے۔جو نمازی اس کا اہتمام نماز میں کرے گا نماز سے باہر بھی بلا ضرورت آنکھوں کے نظارہ سے ان شاء اللہ محفوظ رہے گا مگر جو کوئی چند لمحات اپنی آنکھ پر کنڑول نہیں کر سکا۔وہ بے چارہ باقی اوقات میں اسے محفوظ کیونکر رکھ سکے گا؟اللہ تعالیٰ نے اپنے بند ے کی اصلاح اور تربیت کے لئے نماز میں بہت کچھ رکھا ہے۔ہم ہی اس کا پاس واحساس نہ کریں تو قصور ہمار اہے نماز کا نہیں۔ نظر کی حفاظت بے حیائی اور منکرات کے ارتکاب اور اس کے محرکات کاایک بڑا سبب چونکہ یہی آنکھ ہے اس لئے آنکھ کی حفاظت اورا سے نیچا رکھنے کا جو حکم نماز میں عبادت تھا نماز کے علاوہ دیگر اوقات میں بھی اس کی حفاظت کا حکم فرمایا چنانچہ اللہ سبحانہ وتعالیٰ فرماتے ہیں : ﴿قُلْ لِّلْمُؤْمِنِیْنَ یَغُضُّوْا مِنْ اَبْصَارِھِمْ وَ یَحْفَظُوْا فُرُوْجَھُمْ﴾(النور:۳۰) ’’مومنوں سے کہ دیجئے کہ اپنی نگاہیں نیچی رکھیں اور اپنی شرمگاہ کی حفاظت کریں ‘‘ شر مگاہ کی حفاظت کے حکم سے پہلے آنکھوں کو بچا کر رکھنے کا حکم اس بات کی طرف واضح اشارہ ہے کہ بد کاری اور بے حیائی کا بنیادی سبب یہی آنکھ بنتی ہے۔یہ اگر محفوظ رہے گی تو حتی الا مکان انسان شر مگاہ کے گناہ سے بھی بچار ہے گا۔یہی حکم اللہ تعالیٰ