آفات نظر اور ان کا علاج

دوران آنکھوں کو آسمان کی طرف اٹھانے سے رسول اللہ صلی اللہ علیہ وسلم نے منع فرمایا ہے اور خبردار کیا ہے کہ اگر تم اس سے باز نہیں آؤگے تو خطرہ ہے کہ کہیں تمہاری بینائی ضائع نہ کر دی جائے (بخاری ومسلم )اللہ کی لاٹھی بے آواز ہے اس سے ڈرتے رہنا چاہیے اور آنکھوں کو اسی جگہ استعمال کرنا چاہئے جہاں اس کی اجاز ت ہے۔ آنکھ کا شکر آنکھ اللہ سبحانہ وتعالیٰ کی عظیم نعمت ہے۔امام بکر بن عبد اللہ مزنی فرمایا کرتے تھے کہ اے آدم کے بیٹے! اگر تو یہ معلوم کرنا چاہتا ہے کہ اللہ تعالیٰ نے تم کو کتنی نعمتوں سے نوازا ہے تو تم اپنی آنکھیں بند کر لو خود بخود اللہ کے انعامات کا علم ہو جائے گا۔ہر نعمت پر شکر لا زم ہے اور یہ شکر صرف زبان ہی سے نہیں بلکہ ہر عضو اپنے دائرے میں شکر کا مقتضی ہے۔امام ابو حازم سلمہ بن دینار رحمہ اللہ فرماتے ہیں آنکھوں کا شکریہ ہے : ’’اِنْ رَاَیْتَ بِھِمَا خَیْراً اَعْلَنْتَہٗ وَاِنْ رَأَیْتَ بِھِمَا شَرّاً سَتَرْ تَہٗ‘‘ (تھذیب ابن عساکر ص۲۸۸ ج۶،کتاب الشکر لا بن ابی الدنیا ص۶۰) اگرتو ان سے کوئی اچھی چیز دیکھے تواس کا اظہار کرے اور اگر بری چیز دیکھے تواس کی پردہ پوشی کرے۔ بصا رت چلے جانے کا بدلہ بینائی جتنی عظیم نعمت ہے اس کے ختم ہونے پرا گر صبر و تحمل کا مظاہرہ کیا جائے تو اس کا اجر بھی اتنا ہی بڑا ہے۔چنانچہ صحیح بخاری شریف میں حضرت انس رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا کہ اللہ سبحانہ تعالیٰ کا فرمان ہے کہ میں اپنے جس مومن بندے کو آنکھوں سے محروم کرکے اسے آزمائش میں مبتلا کر دوں اور وہ اس پر صبر کرے تو ان دونوں آنکھوں کے بدلے میں اسے جنت دوں گا۔اور ایک حدیث کے الفاظ میں ہے کہ ’’لَمْ یَکُنْ لَّہٗ جَزَآئٌ عِنْدِیْ إِلَّا الْجَنَّۃَ‘‘ کہ’’ میرے پاس اس کے لئے اس کی جزاء جنت کے علاوہ اور کوئی نہیں۔‘‘مسند امام احمد رحمہ اللہ میں حضرت عائشہ بنت قدامہ رضی اللہ عنہا سے مروی ہے کہ رسو ل اللہ صلی اللہ علیہ وسلم نے فرمایا کہ اللہ تعالیٰ کو یہ بات بڑی نا گوار گزرتی ہے کہ