سورة ھود - آیت 96

وَلَقَدْ أَرْسَلْنَا مُوسَىٰ بِآيَاتِنَا وَسُلْطَانٍ مُّبِينٍ

ترجمہ ترجمان القرآن - مولانا ابوالکلام آزاد

اور (یہ بھی ہوچکا ہے کہ) ہم نے موسیٰ کو اپنی نشانیوں اور واضح سند کے ساتھ بھیجا تھا۔

ابن کثیر - حافظ عماد الدین ابوالفداء ابن کثیر صاحب

قبطی قوم کا سردار فرعون اور موسیٰ علیہ السلام فرعون اور اس کی جماعت کی طرف اللہ تعالیٰ نے اپنے رسول موسیٰ علیہ السلام کو اپنی آیتوں اور ظاہر دلیلوں کے ساتھ بھیجا «فَعَصَیٰ فِرْعَوْنُ الرَّسُولَ فَأَخَذْنَاہُ أَخْذًا وَبِیلًا» ۱؎ (73-المزمل:16) ’ لیکن انہوں نے فرعون کی اطاعت نہ چھوڑی ۔ اسی کی گمراہ روش پر اس کے پیچھے لگے رہے ‘ ۔ «فَکَذَّبَ وَعَصَیٰ ثُمَّ أَدْبَرَ یَسْعَیٰ فَحَشَرَ فَنَادَیٰ فَقَالَ أَنَا رَبٰکُمُ الْأَعْلَیٰ فَأَخَذَہُ اللہُ نَکَالَ الْآخِرَۃِ وَالْأُولَیٰ إِنَّ فِی ذٰلِکَ لَعِبْرَۃً لِّمَن یَخْشَیٰ» ۱؎ (79-النازعات:21-26) ’ جس طرح یہاں انہوں نے اس کی فرمان برداری ترک نہ کی اور اسے اپنا سردار مانتے رہے ‘ ۔ «وَقَالُوا رَبَّنَا إِنَّا أَطَعْنَا سَادَتَنَا وَکُبَرَاءَنَا فَأَضَلٰونَا السَّبِیلَا رَبَّنَا آتِہِمْ ضِعْفَیْنِ مِنَ الْعَذَابِ وَالْعَنْہُمْ لَعْنًا کَبِیرًا» ۱؎ (33-الأحزاب:67 ، 68) ’ اسی طرح قیامت کے دن اسی کے پیچھے یہ ہوں گے اور وہ اپنی پیشوائی میں انہیں سب کو اپنے ساتھ ہی جہنم میں لے جائے گا اور خود دگنا عذاب برداشت کرے گا ۔ یہی حال بروں کی تابعداری کرنے والوں کا ہوتا ہے وہ کہیں گے بھی کہ اللہ انہیں لوگوں نے ہمیں بہکایا تو انہوں دوگنا عذاب دے ‘ ۔ مسند میں ہے { رسول اللہ صلی اللہ علیہ وسلم فرماتے ہیں کہ { قیامت کے دن جاہلیت کے شاعروں کا جھنڈا امرؤ القیس کے ہاتھ میں ہو گا اور وہ انہیں لے کر جہنم کی طرف جائے گا } } ۔ ۱؎ (مسند احمد:228/2:ضعیف جدا) اس آگ کے عذاب پر یہ اور زیادتی ہے کہ یہاں اور وہاں دونوں جگہ یہ لوگ ابدی لعنت میں پڑے ۔ قیامت کے دن کی لعنت مل کر ان پر دو دو لعنتیں پڑ گئیں ۔ یہ اور لوگوں کو جہنم کی دعوت دینے والے امام تھے ۔ اس لیے ان پر دوہری لعنت پڑی ۔