سورة الأنبياء - آیت 32

وَجَعَلْنَا السَّمَاءَ سَقْفًا مَّحْفُوظًا ۖ وَهُمْ عَنْ آيَاتِهَا مُعْرِضُونَ

ترجمہ فہم القرآن - میاں محمد جمیل

” اور ہم نے آسمان کو ایک محفوظ چھت بنایا مگر لوگ کائنات کی نشانیوں کی طرف توجہ نہیں کرتے۔ (٣٢)

تیسیر الرحمن لبیان القرآن - محمد لقمان السلفی رحمہ اللہ

٥۔ آسمان کو زمین کے لیے چھت بنایا اور اسے زمین پر گرنے سے محفوظ رکھا۔ سورۃ ق آیت (٦) میں اللہ نے فرمایا ہے : ﴿ أَفَلَمْ يَنْظُرُوا إِلَى السَّمَاءِ فَوْقَهُمْ كَيْفَ بَنَيْنَاهَا وَزَيَّنَّاهَا وَمَا لَهَا مِنْ فُرُوجٍ﴾ کیا انہوں نے آسمان کو اپنے اوپر نہیں دیکھا کہ ہم نے اسے کس طرح بنایا ہے اور زینت دی ہے اور اس میں کوئی شگاف نہیں۔