سورة مريم - آیت 24

فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيًّا

ترجمہ فہم القرآن - میاں محمد جمیل

فرشتے نے اسے پکار کر کہا غم نہ کر تیرے رب نے تیرے نیچے ایک چشمہ جاری کردیا ہے۔ (٢٤)

تیسیر الرحمن لبیان القرآن - محمد لقمان السلفی رحمہ اللہ

(12) مریم علیہا السلام ایک ٹیلہ پر تھیں اور جبریل (علیہ السلام) ٹیلے کے نیچے تھے، جب انہوں نے مریم کی غم سے بھری بات سنی تو انہیں پکار کر کہا کہ اے مریم ! غم نہ کر اللہ نے تجھے ایک ایسا بچہ دیا ہے جو سردار قوم صاحب عزوشرف اور رفیع المرتبت ہوگا۔ ایک دوسرا قول یہ ہے کہ سری چھوٹی نہر کے معنی میں ہے، یعنی اللہ نے تیرے قدموں میں بطور معجزہ نہر جاری کردی ہے۔