سورة القصص

فَخَرَجَ مِنْهَا خَائِفًا يَتَرَقَّبُ ۖ قَالَ رَبِّ نَجِّنِي مِنَ الْقَوْمِ الظَّالِمِينَ

یہ خبر سنتے ہی موسیٰ ڈرتے اور سہمے ہوئے نکل کھڑے ہوئے اور موسیٰ نے دعا کی کہ اے میرے رب مجھے ظالموں سے بچائے رکھنا۔“ (٢١)

(٤) فرعون کے غلبے اور جبر واستبداد کے خوف سے حضرت موسیٰ گھبرا گئے لیکن قومی حمیت کی آگ دل میں برابر سلگتی رہی سوئے اتفاق سے دوسرے دن پھر وہی ناگوار موقع پیش آیا شہر میں اس واقعے کی شہرت ہوگئی اور حضرت موسیٰ کے سامنے جلاوطنی کا مقدس مرحلہ پیش آگیا جوہر حقانی جددجہد کی پہلی منزل ہے۔