سورة التحريم

قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ

اللہ نے تم لوگوں کے لیے تمہاری قسموں کو حلال کرنے کا طریقہ مقرر کردیا ہے اللہ تمہارا مولیٰ ہے، اور وہ سب کچھ جاننے اور حکمت والا ہے

پس گزشتہ را صلوٰۃ آئندہ احتیاط کیونکہ اللہ نے تمہاری ایسی بے ضرورت اور پر ضرر قسموں کے توڑنے کا طریقہ تمہارے لئے مقرر کر رکھا ہے اور تم کو سمجھا دیا ہے کہ ایسی قسموں کے توڑنے کا کفارہ یہ دیا کرو کہ دس مساکین کو کھانا کھلائو یا تین روزے رکھو کیونکہ اللہ ہی تمہارا والی ہے اور وہ بڑا علم والا اور حکمت والا ہے