سورة المنافقون - آیت 3

ذَٰلِكَ بِأَنَّهُمْ آمَنُوا ثُمَّ كَفَرُوا فَطُبِعَ عَلَىٰ قُلُوبِهِمْ فَهُمْ لَا يَفْقَهُونَ

ترجمہ فہم القرآن - میاں محمد جمیل

یہ سب کچھ اس وجہ سے ہے کہ ان لوگوں نے ایمان لا کر کفر کیا اس لیے ان کے دلوں پر مہر لگا دی گئی ہے اب یہ کچھ نہیں سمجھتے

تفسیر ثنائی - ثنا اللہ امرتسری

یہ حالت بد ان کی اس لئے ہوئی ہے کہ یہ لوگ پہلے ایمان لائے تھے اچھے بھلے کا۔ اسلام کے قائل ہوئے تھے پھر دنیاوی اغراض کے ماتحت منکر ہوگئے ایسے منکر ہوئے کہ پھر اسی انکار پر جم گئے پس اللہ کی طرف سے ان کے دلوں پر مہر لگائی گئی نتیجہ یہ ہوا کہ وہ اپنے بدافعال کا انجام بد سمجھتے نہیں اپنی دغابازی کو اپنی کامیابی کا ذریعہ سمجھتے ہیں