سورة الزمر - آیت 26

فَأَذَاقَهُمُ اللَّهُ الْخِزْيَ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَكْبَرُ ۚ لَوْ كَانُوا يَعْلَمُونَ

ترجمہ فہم القرآن - میاں محمد جمیل

پھر اللہ نے ان کو دنیا ہی کی زندگی میں ذلّت سے دوچار کیا، اور آخرت کا عذاب تو اس سے شدید تر ہے، کاش یہ لوگ جانتے

تفسیر السعدی - عبدالرحمٰن بن ناصر السعدی

﴿فَأَذَاقَهُمُ اللّٰـهُ﴾ ” پس اللہ نے انہیں چکھایا۔“ یعنی اس عذاب کے ذریعے سے ﴿الْخِزْيَ فِي الْحَيَاةِ الدُّنْيَا﴾ دنیا میں رسوائی کا مزا چکھایا، چنانچہ وہ اللہ تعالیٰ اور اس کی مخلوق کے ہاں رسوا ہوگئے۔ ﴿ وَلَعَذَابُ الْآخِرَةِ أَكْبَرُ لَوْ كَانُوا يَعْلَمُونَ﴾ ” اور آخرت کا عذاب تو بہت بڑا ہے، کاش ! وہ جان لیتے۔“ اس لئے ان لوگوں کو اپ کی تکذیب پر جمے رہنے سے بچنا چاہئے، ورنہ ان پر بھی وہی عذاب نازل ہوگا جو گزشتہ قوموں پر نازل ہوا تھا۔