سورة غافر - آیت 45

فَوَقَاهُ اللَّهُ سَيِّئَاتِ مَا مَكَرُوا ۖ وَحَاقَ بِآلِ فِرْعَوْنَ سُوءُ الْعَذَابِ

ترجمہ فہم القرآن - میاں محمد جمیل

ان لوگوں نے اس مومن کے خلاف بری سے بری چالیں چلیں، اللہ نے ان سب سے اسے بچا لیا اور فرعون کے ساتھی بدترین عذاب میں گھیرے گئے

تفسیر اشرف الحواشی - محمد عبدہ الفلاح

ف ٣ معلوم ہوتا ہے کہ وہ شخص غیر معمولی حیثیت کا مالک تھا اور فرعونیوں کو یہ ہمت نہ ہوسکی کہ اسے علانیہ سزا دے سکیں۔ اس لئے انہوں نے خفیہ تدبیریں اختیار کیں مگر اللہ تعالیٰ نے اس کی حفاظت کی اور وہ اس کے قتل میں ناکام رہے۔ قتادۃ (رح) کہتے ہیں کہ وہ حضرت موسیٰ ( علیہ السلام) کے ساتھ سمندر کے پار چلا گیا۔ ( شوکانی) ف ٤ اور سب کو سمندر میں غرق ہونا پڑا