سورة ص - آیت 42
ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ
ترجمہ فہم القرآن - میاں محمد جمیل
ہم نے اسے حکم دیا اپنا پاؤں زمین پر مار، یہ تیرے نہانے اور پینے کے لیے ٹھنڈا پانی ہے
تفسیر اشرف الحواشی - محمد عبدہ الفلاح
ف ٨ یعنی ہم نے ان کی دعا قبول فرمائی اور حکم دیا کہ اپنا پائوں زمین پر مار۔ ف ٩ یعنی زمین پر پائوں مارتے ہی ٹھنڈے پانی کا ایک چشمہ نمودار ہوا جس کا پانی پینا اور اس میں غسل کرنا حضرت ایوب ( علیہ السلام) کی بیماری کا علاج تھا چنانچہ وہ اس سے پانی پینے اور غسل کرنے سے بالکل تندرست ہوگئے۔