نبی کریم صلی اللہ علیہ وسلم کی محبت کے اسباب

٭ آنحضرت صلی اللہ علیہ وسلم سے محبت کرنے والوں کے احوال پیشِ نظر رکھنا۔ 1۔نبی کریم صلی اللہ علیہ وسلم کی محبت کی فرضیّت نہ بھولنا ہر مسلمان پر لازم ہے، کہ اس کے دل میں نبی کریم صلی اللہ علیہ وسلم کی محبت مخلوق میں سے ہر چیز کی محبت سے زیادہ ہو۔ اس بات پر دلالت کناں احادیث میں سے ایک وہ ہے ، جسے امام بخاری رحمہ اللہ تعالیٰ نے حضرت ابو ہریرہ رضی اللہ عنہ سے روایت کیا ہے، کہ: ’’ أنَّ رَسُوْلَ اللّٰہِ صلي اللّٰه عليه وسلم قَالَ: ’’ فَوَ الَّذِيْ نَفْسِيْ بِیَدِہٖ لَا یُؤْمِنُ أَحَدُکُمْ حَتّٰي أَکُوْنَ أحَبَّ إلَیْہِ مِنْ وَالِدِہٖ وَوَلَدِہٖ۔‘‘[1] ’’یقینا رسول اللہ صلی اللہ علیہ وسلم نے فرمایا: ’’پس اس ذات کی قسم جس کے ہاتھ میں میری جان ہے ! تم میں سے کوئی شخص اس وقت تک مومن نہیںہو سکتا جب تک کہ میں اس کے نزدیک اس کے والد اور بیٹے سے زیادہ پیارا نہ ہو جاؤں۔‘‘ اسی بات پر دلالت کرنے والی ایک اور حدیث وہ ہے،جسے امام مسلم رحمہ اللہ تعالیٰ نے حضرت انس رضی اللہ عنہ سے نقل کیا ہے، کہ انہوں نے بیان کیا : ’’ قَالَ رَسُوْلُ اللّٰہِ صلي اللّٰه عليه وسلم : ’’لَا یُؤْمِنُ عَبْدٌ حَتّٰی أکُوْنَ أحبَّ إلَیْہِ مِنْ أہْلِہٖ وَمَالِہٖ وَالنَّاسِ أجْمَعِیْنَ۔‘‘ ‘‘[2]

[1] صحیح البخاري،کتاب الإیمان،باب حب الرسول صلي اللّٰه عليه وسلم من الایمان ، رقم الحدیث ۱۴،۱؍۵۸۔ [2] صحیح مسلم،کتاب الإیمان،باب وجوب محبۃ النبي صلي اللّٰه عليه وسلم أکثر من الأہْل والولد والوالد والناس اجمعین،… رقم الحدیث۶۹۔ (۴۴)،۱/۶۷۔