کتاب: مسنون ذکر الٰہی، دعائیں - صفحہ 58
تھا؟‘‘ انھوں نے کہا: ہاں، تو نبی اکرم صلی اللہ علیہ وسلم نے فرمایا: ’’میں نے تیرے بعد چار کلمات تین مرتبہ کہے ہیں، اگر تیرے آج کے تمام کلمات کے ساتھ ان کا وزن کیا جائے تو یہ سب سے بھاری ہوں گے۔‘‘ وہ کلمات یہ ہیں: (( سُبْحَانَ اللّٰہِ عَدَدَ خَلْقِہٖ سُبْحَانَ اللّٰہِ رِضٰی نَفْسِہٖ سُبْحَانَ اللّٰہِ زِنَۃَ عَرْشِہٖ سُبْحَانَ اللّٰہِ مِدَادَ کَلِمَاتِہٖ ))  ’’اللہ کی تسبیح بیان کرتا ہوں: اُس کی مخلوقات کی تعداد جتنی، جس سے وہ راضی ہو جائے، جتنا اُس کے عرش کا وزن ہے اور جتنی اس کے کلمات کی سیاہی ہے۔‘‘ 13۔ آپ صلی اللہ علیہ وسلم نے ایک اعرابی سے فرمایا: ’’یہ کہو: (( لَا اِلٰہَ اِلَّا اللّٰہُ وَحْدَہٗ لَا شَرِیْکَ لَہٗ، اَللّٰہُ اَکْبَرُ کَبِیْرًا وَ الْحَمْدُ لِلّٰہِ کَثِیْرًا وَ سُبْحَانَ اللّٰہِ رَبِّ الْعَالَمِینَ وَ