کتاب: مسنون ذکر الٰہی، دعائیں - صفحہ 55
اس کے جس نے اس سے بھی زیادہ عمل کیا۔  تمام گناہ معاف؟ 7۔ آپ صلی اللہ علیہ وسلم کا ارشادِ گرامی ہے: ’’جس نے ایک دن میں سو مرتبہ (( سُبْحاَنَ اللّٰہِ وَ بِحَمْدِہٖ )) کہا، اس سے اس کی تمام خطائیں ختم کر دی جاتی ہیں، اگرچہ وہ سمندر کی جھاگ کے برابر بھی کیوں نہ ہوں۔‘‘  محبو ُبِ الٰہی کلمات: 8۔ رسول اللہ صلی اللہ علیہ وسلم کا فرمان ہے کہ دو کلمے زبان پر بہت ہلکے، میزان میں بہت بھاری اور رحمان کو بہت محبوب ہیں۔ وہ یہ ہیں: (( سُبْحَانَ اللّٰہِ وَ بِحَمْدِہٖ سُبْحَانَ اللّٰہِ الْعَظِیْمِ ))  ’’اللہ اپنی تعریفوں کے ساتھ پاک اور عظمت والا ہے۔‘‘