کتاب: مسنون ذکر الٰہی، دعائیں - صفحہ 189
161۔ حضرت انس رضی اللہ عنہ فرماتے ہیں:
’’نبی اکرم صلی اللہ علیہ وسلم کھیل کود میں مشغول بچوں کے پاس سے گزرے تو انھیں سلام کہا۔‘‘ [1]
162 ۔رسول اللہ صلی اللہ علیہ وسلم نے ارشاد فرمایا:
’’تم میں سے کوئی جب مجلس میں پہنچ جائے تو سلام کہے اور اگر اسے بیٹھنا ہو تو بیٹھ جائے۔ پھر جب اُٹھے تو اسے چاہیے کہ پھر سلام کہے۔ پہلا سلام آخری سے زیادہ حق دار نہیں ہے۔‘‘ [2]
چھینک اور جمائی:
164۔ نبی اکرم صلی اللہ علیہ وسلم فرماتے ہیں:
’’اللہ تعالیٰ چھینک کو پسند اور جمائی کو ناپسند کرتا ہے۔ تم میں سے کوئی جب چھینک مارے اور ’’اَلْحَمْدُ لِلّٰہ‘‘ کہے تو سننے والے ہر مسلمان پر واجب و حق ہے کہ وہ
[1] صحیح البخاري، رقم الحدیث (۶۲۴۷)، صحیح مسلم، رقم الحدیث (۲۱۶۸)
[2] سنن الترمذي، رقم الحدیث (۲۷۰۶) حدیث حسن۔