کتاب: مسنون ذکر الٰہی، دعائیں - صفحہ 110
سے اللہ کی پناہ مانگتا ہوں۔‘‘  64۔ اُمّ المومنین حضرت عائشہ رضی اللہ عنہا اورحضرت ابو سعید رضی اللہ عنہ وغیرہ سے روایت ہے کہ نبی اکرم صلی اللہ علیہ وسلم جب نماز کا اِفتتاح کرتے تو یہ پڑھتے تھے: (( سُبْحَانَکَ اللّٰھُمَّ وَ بِحَمْدِکَ وَتَبَارَکَ اسْمُکَ وَ تَعَالٰی جَدُّکَ وَلَا اِلٰہَ غَیْرُکَ ))  ’’اے اللہ! تو اپنی تعریفوں کے ساتھ پاک ہے، تیرا نام برکتوں والا ہے، تیری شان بہت بلند ہے اور تیرے سوا کوئی معبودِ برحق نہیں۔‘‘ 65۔ حضرت عمر رضی اللہ عنہ سے روایت ہے کہ نبی اکرم صلی اللہ علیہ وسلم نے تکبیر کہی اور پھر اس کے ساتھ ہی نماز کا آغاز کر دیا۔