دنیوی مصائب و مشکلات حقیقت ، اسباب ، ثمرات

گناہ معاف کردیتا ہے۔‘‘ اس دنیا کی مصیبتیں (یا اذیتیں ) جھیلنا آخرت کے سخت عذاب کے مقابلے میں بہت ہی کم اور غیر اہم ہے۔مزید برآں جب انسان مرجاتا ہے تواس دنیا کی اذیتیں ختم ہوجاتی ہیں ،مگر آخرت کی سزا دائمی ہے!!!تاہم اللہ تعالیٰ جو انتہا ئی مہربان ہے،بہت سارے گناہ معاف کردیتا ہے۔ اور وہ قرآن کریم میں فرماتا ہے: {وَمَآ اَصَابَکُمْ مِّنْ مُّصِیْبَۃٍ فَبِمَا کَسَبَتْ اَیْدِیْکُمْ وَیَعْفُوْاعَنْ کَثِیْرٍ} (سورۃ الشوریٰ:۳۰) ’’تمہیں جو کچھ مصیبتیں پہنچتی ہیں وہ تمہارے اپنے ہاتھوں کے کرتوت کا بدلہ ہیں ،اور وہ تو بہت سی باتوں سے درگزر فرمالیتا ہے۔‘‘ اگر ہمیں اللہ تعا لیٰ ہماری ہربرائی اور بدعملی پر سزا دیتا ، تو ہر چیزجو اِس زمین پر ہے وہ ساری کی ساری برباد کردی جاتی۔سورۂ فاطر میں اللہ تعالیٰ فرماتا ہے: {وَلَوْ یُؤَاخِذُاللّٰہُ النَّاسَ بِمَا کَسَبُوْامَاتَرَکَ عَلیٰ ظَھْرِھَا مِنْ دَآبَّۃٍوَّلٰکِنْ یُّؤَ خِّرُھُمْ اِلٰی اَجَلٍ مُّسَمًّی،فَاِذَاجَآئَ اَجَلُھُمْ فَاِنَّ اللّٰہَ کَانَ بَعِبَادِہٖ بَصِیْراً} (سورہ فاطر:۴۵) ’’اور اگراللہ تعالیٰ لوگوں پر ان کے اعمال کے سبب داروگیر فرمانے لگتا تو روئے زمین پر ایک جاندار کو نہ چھوڑتا،لیکن اللہ تعالیٰ ان کو ایک میعاد ِمعیّن تک مہلت دے رہا ہے،سو جب ان کو وہ میعاد آپہنچے گی ،اللہ تعالیٰ اپنے بندوں کو آپ دیکھ لے گا۔‘‘ یہ تو اللہ تعالیٰ کی عظیم مہربانی ہے کہ وہ ہمیں ہمارے بہت سارے برے اعمال بخش دیتا ہے اور اُس نے زندگی کی معمولی مصیبتوں کو آخرت کے سخت اور شدید عذاب کے بدلے میں کفّارہ بنا