عظمت قرآن : بزبان قرآن

مسعود رضی اللہ عنہ کہتے ہیں کہ نبی اکرم صلی اللہ علیہ وسلم نے فرمایا: ((مَنْ قَرَأَ بِالْآیَتَیْنِ مِنْ آخِرِ سُوْرَۃِِ الْبَقَرَۃِ فِي لَیْلَۃٍ کَفَتَاہُ)) (صحیح البخاري:۵۰۰۹،مختصر صحیح مسلم:۲۰۹۷) ’’جس نے رات کے وقت(سونے سے پہلے)سورت بقرہ کی آخری دو آیات پڑھ لیں وہ اس کے لیے کافی ہیں۔‘‘ بعض احادیث سے پتا چلتا ہے کہ سورت بقرہ کی آخری دو آیات جادو کا اثر ختم کرنے کی زبردست تاثیر رکھتی ہیں،اور جس گھر میں مسلسل تین رات سورت بقرہ کی آخری دو آیات پڑھی جائیں،شیطان اس گھر کے قریب بھی نہیں پھٹک سکتا۔چنانچہ سنن ترمذی و نسائی اور مستدرک حاکم میں حضرت نعمان بن بشیر رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ((اِنَّ اللّٰہَ کَتَبَ کِتَاباً قَبْلَ أنْ یَّخْلُقَ السَّمَاوَاتِ وَ الْأَرْضَ بِأَلْفَيْ عَامٍ أَنْزَلَ مِنْہُ آیَتَیْنِ خَتَمَ بِہِمَا سُوْرَۃُ الْبَقَرَۃِ،وَلَا یُقْرَآنِ فِيْ دَارٍ ثَلَاثَ لَیالٍ فَیَقْرَبُہَا شَیْطَانٌ)) (سنن الترمذي:۳/ ۲۳۱۱،صحیح الجامع:۱۷۹۹) ’’اللہ تعالیٰ نے زمین و آسمان کی تخلیق سے دو ہزار سال پہلے ایک کتاب لکھی اور اس میں سے دو آیات اتاریں جن پر سورت بقرہ ختم ہوتی ہے،اگر یہ آیات مسلسل تین رات تک پڑھی جائیں تو شیطان اس گھر کے قریب بھی نہیں پھٹکے گا۔‘‘ جبکہ ایک حدیث میں ہے کہ سورت بقرہ کی آخری دو آیات پڑھ کر اللہ تعالیٰ سے جو حاجت طلب کی جائے وہ پوری ہوتی ہے۔چنانچہ صحیح مسلم میں حضرت ابن عباس رضی اللہ عنہما کہتے ہیں کہ ایک روز جنابِ جبرائیل علیہ السلام نبی اکرم صلی اللہ علیہ وسلم