عظمت قرآن : بزبان قرآن

((أَیَعْجِزُ أَحَدُکُمْ أَنْ یَقْرَأَ فِي لَیْلَۃٍ ثُلُثَ الْقُرْآنِ؟)) ’’کیا تمھارے لیے ممکن نہیں کہ روزانہ رات کے وقت ایک تہائی قرآن پڑھ لیا کرو؟‘‘ صحابہ کرام رضی اللہ عنہم نے عرض کیا:ایک تہائی قرآن ہم کیسے پڑھ سکتے ہیں ؟آپ صلی اللہ علیہ وسلم نے ارشاد فرمایا: ((قُلْ ہُوَ اللّٰہُ أَحَدٌ} تَعْدِلُ ثُلُثَ الْقُرْآنِ)) (صحیح البخاري:۸/ ۶۷۶،صحیح مسلم،کتاب صلاۃ المسافرین،أبواب فضائل القرآن:۱۳۴۴) ’’سورۃ الاخلاص تہائی قرآن کے برابر ہے۔‘‘ جبکہ صحیح بخاری،سنن ابو داود اور نسائی کی ایک حدیث میں ہے: ((وَالَّذِيْ نَفْسِيْ بِیَدِہٖ اِنَّہَا لَتَعْدِلُ ثُلُثَ الْقُرْآنِ)) (صحیح البخاري:۸/ ۶۷۶،سنن أبي داود:۲-۱۵۲) ’’اللہ کی قسم جس کے ہاتھ میں میری جان ہے یہ(سورۃ الاخلاص)ایک تہائی قرآن کے برابر ہے۔‘‘ بات یہیں پر ختم نہیں ہوجاتی بلکہ ایک حدیث کے مطابق سورت اخلاص سے محبت اور اس کی کثرتِ تلاوت جنت میں جانے کا باعث ہے۔چنانچہ سنن ترمذی،نسائی اور موطأ مالک میں حضرت ابو ہریرہ رضی اللہ عنہ کہتے ہیں کہ میں رسول اللہ صلی اللہ علیہ وسلم کے ساتھ تھا۔آپ صلی اللہ علیہ وسلم نے ایک آدمی کو{قُلْ ھُوَ اللّٰہُ اَحَدٌ} پڑھتے ہوئے سنا،تو فرمایا: ((وَجَبَتْ))’’اس کے لیے واجب ہوگئی۔‘‘ میں نے عرض کیا:کیا واجب ہوگئی؟ آپ صلی اللہ علیہ وسلم نے ارشاد فرمایا: ((اَلْجَنَّۃُ))’’جنت۔‘‘