عظمت قرآن : بزبان قرآن

کی ہڈیاں،یعنی پسلیاں۔چونکہ مرد اور عورت دونوں کے مادۂ تولید انسان کے اس دھڑ سے خارج ہوتے ہیں جو صلب اور سینے کے درمیان واقع ہے،اس لیے فرمایا گیا کہ انسان اس پانی سے پیدا کیا گیا ہے جو پیٹھ اور سینے کے درمیان سے نکلتا ہے۔یہ مادہ اس صورت میں بھی پیدا ہوتا ہے جبکہ ہاتھ پاؤں کٹ جائیں،اس لیے یہ کہنا صحیح نہیں کہ یہ انسان کے پورے جسم سے خارج ہوتا ہے۔درحقیقت انسان کے اعضائے رئیسہ اس کے ماخذ ہیں اور وہ سب آدمی کے دھڑ میں واقع ہیں۔دماغ کا الگ ذکر اس لیے نہیں کیا گیا کہ صلب دماغ کا وہ حصہ ہے جس کی بدولت ہی جسم کے ساتھ دماغ کا تعلق قائم رہتا ہے۔‘‘(تفہیم القرآن:۶/ ۳۰۴) اس سلسلے میں دو ڈاکٹروں نے مولانا موصوف کو جومعلومات بہم پہنچائیں وہ کچھ اس طرح ہیں: ’’علم الجنین(Embryology)کی رو سے یہ ثابت شدہ بات ہے کہ جنین(Foetus)کے اندر أُنْثَیَینTestes))یعنی وہ غدود جن میں مادۂ منویہ پیدا ہوتا ہے،ریڑھ کی ہڈی اور پسلیوں کے درمیان گردوں کے قریب ہوتے ہیں،جہاں سے بعد میں یہ آہستہ آہستہ فوطوں(Testicles)میں اتر جاتے ہیں۔یہ عمل ولادت سے پہلے اور بعض اوقات اس سے کچھ بعد ہوتا ہے۔لیکن پھر بھی ان کے اعصاب اور رگوں کا منبع ہمیشہ وہی مقام بَین الصلب و الترآئب ہی رہتا ہے،بلکہ ان کی شریان(Artery)پیٹھ کے قریب شہ رگ(Aorta)سے نکلتی ہے اور پورے پیٹ کا سفر طے کرتی ہوئی ان کو خون مہیا کرتی ہے۔اس طرح حقیقت میں اُنْثَیَین پیٹھ کا جز ہیں